(၁၀.၁၁.၂၀၂၅) ရက်နေ့ နံနက်(၁၀:၃၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ မှော်ဘီမြို့နယ်ခွဲတာဝန်ခံ ဦးဇော်မျိုးထွန်းသည် မြို့နယ်ခွဲရုံးခန်းမတွင် အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ အသိပညာပေးဆွေးနွေးပြောကြားခဲ့ကြောင်း သိရသည်။
ထိုသို့ဆွေးနွေးခဲ့ရာတွင် ဦးဇော်မျိုးထွန်း၊ ဦးစီးမှူးက စားသုံးသူ၏ အဓိပ္ပါယ်၊ အွန်လိုင်းစနစ် ရောင်းချခြင်းလုပ်ငန်းအဓိပ္ပါယ်၊ အခွင့်အရေး (၈) ချက်၊ တာဝန်(၄)ချက် အွန်လိုင်းမှ ဈေးဝယ်ယူ ခြင်းအတွက် အားသာချက်၊ အားနည်းချက်များအား ပြောကြားခဲ့ပြီး ဆုံးရှုံးနစ်နာမှုများရှိခဲ့လျှင်လည်း တိုင်ကြားနိုင်သည့်နေရာများနှင့် ဖြေရှင်းဆောင်ရွက်ပေးမည့်နည်းလမ်း(၂)မျိုးအား ဆွေးနွေးခဲ့ပြီး ဟောပြောပွဲသို့ စားသုံးသူ(၇)ဦးတက်ရောက်ခဲ့ပြီး ဆွေးနွေးပွဲသို့ (၁၁:၀၀) နာရီအချိန် ရုပ်သိမ်းခဲ့ကြောင်း သိရှိရပါသည်။
DOCA (ရန်ကုန်)