ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့အတွင်း ရောင်းချလျက်ရှိသော ငရုတ်သီးစိမ်းဈေးနှုန်းများမှာ အောက်တိုဘာလကုန်ရက်တွင် ငရုတ်သီးဈေးနှုန်းအခြေအနေမှာ အုတ်ဖို ငရုတ်သီးစိမ်း (၁၀)ကျပ်သားလျှင် ၅၀၀/၆၀၀ကျပ်ဈေးပေးဝယ်ခဲ့ရပြီး ကိုင်းငရုတ်သီးစိမ်း (၁၀)ကျပ်သားလျှင် ၁၀၀၀ ကျပ်ဈေးနှုန်းရှိခဲ့ပါသည်။နိုဝင်ဘာလဆန်းမှ စတင်၍ အုတ်ဖိုငရုတ် သီးဈေးနှုန်းများ မြင့်တက်လာခဲ့ရာ ယခုနိုဝင်ဘာလ တတိယပတ်အတွင်းမှာတော့ အုတ်ဖိုငရုတ်သီးနှင့် ဒေသအခေါ် အဝေါ်ကာလီသီး တစ်ဆယ်သားဈေးနှုန်းမှာ (၁၀၀၀)ကျပ်သို့ မြင့်တက်လာသော်လည်း ကိုင်းငရုတ်သီးစိမ်းများအဝင်များလာပြီး တစ်ဆယ်ကျပ်သားလျှင်(၈၀၀/) ကျပ်သို့ ကျဆင်းလာခဲ့ပါသည်။
ခရမ်းချဉ်သီးဈေးနှုန်းများမှာ မြေပုံခရမ်းချဉ်သီးတစ်ပိဿာကို (၃၀၀၀) ကျပ်၊ ကိုင်းခရမ်းချဉ်သီး တစ်ပိဿာလျှင် ၅၀၀၀ ကျပ်ဈေးဖြင့်ဈေးငြိမ်စွာ ရောင်းဝယ်လျက်ရှိသည်။ ပိန်းကြက်ဥခေါ်သော ပိန်းဥများလည်း ဈေးကွက်အတွင်းသို့ ဝင်ရောက်လျက်ရှိပြီး ပိန်းဥ (အတက်သေး) တစ်ပိဿာလျှင် ၄၀၀၀ ကျပ်၊ ပိန်းဥ(အလုံးကြီး)တစ်ပိဿာလျှင် (၅၀၀၀) ကျပ်ဈေး တို့ဖြင့် ဝယ်ယူလျက်ရှိပါသည်။ ရာသီစာပိန်းဥနှင့်ပဲသီးတို့ကိုတွဲလျက် ဝယ်ယူချက်ပြုတ်စား သုံးလေ့ရှိရာပဲသီး အတောင့်ရှည်(၂၀) တောင့်လျှင် (၅၀၀) ကျပ်ဈေးတို့ဖြင့် ရောင်းချလျက်ရှိကြောင်း၊ ယခင်လနှင့် ယခုလနှိုင်းယှဉ်ကြည့်ပါက ခရမ်းချဉ်သီး၊ ပိန်းဥ၊ ပဲသီးဈေးနှုန်းတို့မှာ ဈေးနှုန်းသိသာစွာ ပြောင်းလဲခြင်းမရှိကြောင်း သိရှိရသည်။
DOCA (ပဲခူး)