(၂.၁၂.၂၀၂၅)ရက်နေ့ နံနက် (၁၁:၀၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ခရိုင်ဦးစီးမှူး ဦးလှစိုးနှင့်ဝန်ထမ်းများ၊ အထွေထွေအုပ်ချုပ်ရေးဦးစီးဌာနတို့ ပူးပေါင်း၍ ရွှေပြည်သာမြို့နယ်ရှိ ရွှေပြည်ဟိန်းဆန်ဆိုင်သို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် ရွှေပြည်ဟိန်းဆန်ဆိုင်ပိုင်ရှင်မှ မိမိတို့ဆိုင်တွင် ရောင်းချနေသောဆန်များမှာ ရွှေဘိုပေါ်ဆန်း၊ ဧရာဝတီပေါ်ဆန်း၊ ဧည့်မထ၊ ရက် (၉၀)၊ အညာသား၊ ကျားပျံနှင့် ဆင်းသုခတို့ကို သတ်မှတ်ထားသော ဈေးနှုန်းများအတိုင်း ရောင်းချပါကြောင်း၊ မိမိတို့ရပ်ကွက်တွင် လက်လုပ်လက်စားများသောကြောင့် ဆန်ကိုအိတ်ဆွဲ အဝယ်နည်းပြီး ပြည်လိုက်ကိုသာ အရောင်းသွက်ပါကြောင်း၊ MyRo မှတ်ပုံတင်ထားပါကြောင်း၊ ဈေးနှုန်းလည်း မြှင့်တင်ရောင်းချခြင်းမရှိပါကြောင်း၊ မိမိတို့ဌာနမှလည်း ဆိုင်ရှင်များအနေဖြင့် ဆန်များဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများရှိခဲ့လျှင် အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပညာပေးဆွေးနွေးပြောကြားခဲ့ကြောင်း သိရှိရပါသည်။
DOCA (ရန်ကုန်)