မြင်းခြံမြို့ မြစ်ကမ်းဘေးကျေးရွာများသည် စားဖိုဆောင်ဟင်းသီးဟင်းရွက်များကို စိုက်ပျိုး ကြပြီး မြင်းခြံမြို့ အေးမြသီတာဈေး၊ မြို့မစည်ပင်သာယာဈေးနှင့် စံပြဈေး တို့တွင် ဖောက်သည်ပေး ၍ လည်းကောင်း၊ ကိုယ်တိုင် နံနက်ဈေး၊ ညနေခင်းဈေးများသို့ လာရောက်ရောင်းချကြောင်း သမုန်းကိုင်းကျေးရွာ ကုန်စိမ်းရောင်းချသူ၏ ပြောပြချက်အရ သိရသည်။ ယခုလို ဆောင်းရာသီတွင် အသီးအနှံများဖြစ်သော ကန်စွန်းရွက်၊ ခရမ်းသီး၊ ချဉ်ပေါင်ရွက်၊ ပဲစောင်းလျားသီး ၊ ရုံးပတီသီး စသည့် သီးနှံများပေါများလာပြီ ဖြစ်ကြောင်း၊ ပဲစောင်းလျားသီး ဈေးနှုန်းမှာ (၂၅)ကျပ်သားလျှင် (၁၅၀၀)ကျပ်၊ တစ်ပိဿာလျှင် (၅၅၀၀)ကျပ် ဖြင့် ရောင်းချကြောင်း သိရသည်။ ပဲစောင်းလျားသီးကို အတို့အမြှပ်အနေဖြင့် ပြုတ်၍လည်းကောင်း၊ ဆီချက်၊ မြေပဲဆံဖြင့် သုပ်စားခြင်းဖြင့် လည်းကောင်း၊ သီးစုံချဉ်ဟင်း ချက်စား၍ လည်းကောင်း စားသောက်သုံးစွဲကြသဖြင့် ပုံမှန်အရောင်းအဝယ်ဖြစ် လျက်ရှိကြောင်း သိရသည်။
DOCA(မန္တလေး)