တနင်္သာရီတိုင်းဒေသကြီး၊ မြိတ်ခရိုင်သည် ပင်လယ်ကန်းရိုးတန်ဒေသဖြစ်သည့်အတွက် ရေထွက်ကုန်များပေါများသည့်အပြင် ဒေသထွက်ကုန်များဖြင့် စီးပွားရေးပြုလုပ်ကြသည့်ဒေသလည်းဖြစ်သည်။ ဒေသတွင်းစိုက်ပျိုးလျက်ရှိသော သီးနှံ၊ ထွက်ကုန်များမှ နဂါးမောက်သီးကိုလည်းတစ်နိုင် တစ်ပိုင် စိုက်ပျိုးနိုင်ပြီး ပြည်တွင်းစျေးကွက်တွင် ဖြန့်ဖြူးရောင်းချလျက်ရှိသည်။ နဂါးမောက်သီး သည်မေလမှအောက်တိုဘာလအထိအသီးထွက်ရှိနိုင်သောကြောင့် စီးပွားရေးတွက်ချေကိုက်သော သီးနှံတစ်ခုလည်းဖြစ်သည်။ ၄၀°မှ ၁၀°ကြား စိုက်ပျိုးနိုင်မှုအကောင်းဆုံးဖြစ်ပြီး ၎င်းအပူချိန်ထက် ပို/လျော့ဖြစ်ပေါ်လာပါက အပင်ပုတ်ရောဂါဖြစ်ပေါ်နိုင်သောကြောင့် ပြုစုထိန်းသိန်းခြင်းပြုလုပ်ရမည် ဖြစ်သည်။ မြိတ်ခရိုင်ရှိ ကျေးရွာနှင့် မြို့ပေါ်တွင်ပါစိုက်ပျိုးနိုင်ပြီး အပူပိုင်းဒေသ ရာသီဥတုရှိရာ နေရာအနှံ့အပြားတွင်လည်း စိုက်ပျိုးဖြစ်ထွန်းသည်။
တနင်္သာရီတိုင်းတွင် နဂါးမောက်သီးကို တောင်ပေါ်ဒေသများနှင့် မောတောင်ဒေသများတွင် အများဆုံး ထွက်ရှိပြီး ဒေသတွင်းမြို့ပေါ်ရှိ သစ်သီးအရောင်းဆိုင်များနှင့် စျေးများတွင် ရောင်းချကြသည်။ ဒေသတွင်း စိုက်ပျိုးမှုရှိသော်လည်း ရန်ကုန်မြို့နှင့် အခြားမြို့မှလည်း ဝယ်ယူရောင်းချလျက် ရှိပါသည်။ ဒေသထွက်နဂါးမောက်သီးတွင် အဖြူနှင့်အနီရောင်ဟူ၍နှစ်မျိုးရှိပြီး အနီရောင်အသီးမှာ စျေးကွက်တွင် စျေးပိုရရှိကြောင်း၊ အရသာမှာပို၍ချိုကြောင်းသိရှိရပါသည်။ အရွယ်အစားပေါ်မူတည် ၍လည်းစျေးနှုန်းကွဲပြားကြောင်းသိရှိရပါသည်။ မြိတ်မြို့တွင် ရောင်းချနေသောနဂါးမောက်သီး စျေးနှုန်းအရ အဖြူရောင်အသီးအကြီးတစ်လုံးလျှင် ၄၅၀၀ ကျပ်ခန့်စျေးနှုန်းရရှိပြီး ပုံမှန်တစ်လုံးလျှင် ၃၀၀၀ကျပ်ခန့်ရှိကြောင်း အနီရောင် အသီးအကြီးတစ်လုံးလျှင် ၅၀၀၀ကျပ်ခန့်ရှိပြီး ပုံမှန်တစ်လုံးလျှင် ၃၅၀၀ခန့်စျေးရရှိကြောင်း သိရှိရပါသည်။
DOCA(တနင်္သာရီ)