မြိတ်ခရိုင်တွင် ဒေသထွက်ကုန်များအဖြစ် အုန်းပင်၊ ဓနိပင်၊ သီဟိုဠ်များစသည်များစိုက်ပျိုး ထွက်ရှိသည့်အပြင် ရာသီပေါ်အသီးအနှံများလည်း တစ်နိုင်တစ်ပိုင်ဖြစ်စေ၊ စီးပွားဖြစ်ဖြစ်စေ စိုက်ပျိုး ကြလျက်ရှိသည်။ ရာသီပေါ်အသီးအနှံများမှ ဒီဇင်ဘာလတွင် ထွက်ရှိသော သရက်သီးကင်းသည် ဒေသတွင် စျေးကောင်းရရှိလျက်ရှိကြောင်းသိရှိရပါသည်။ စျေးများနှင့် သရက်သီးစိုက်ပျိုးသူများထံမှ ဝယ် ယူရရှိနိုင်ပြီး လတ်လတ်ဆတ်ဆတ်သရက်သီးကင်း(အငယ်)များကို တို့စရာအဖြစ် စားသုံးကြ သည်။ ပေါ်ဦးပေါ်ဖျားဖြစ်သောကြောင့် စျေးကောင်းရရှိခြင်းဖြစ်သလို ဒေသရိုးရာအစားစာဖြစ်သော ကြောင့် လူကြိုက်များကြောင်းသိရှိရပါသည်။
သရက်သီးကင်းများကို သရက်ပင်မှ အရွယ်အစားမှာ ၁လက်မခွဲ ခန့်ရှိသည့်အချိန်တွင် ခူးယူကြပြီး ပြန်လည်ရောင်းချလျက်ရှိပါသည်။ သရက်သီးပင်မှ ခူး၍ ရရှိသော သရက်သီးငယ်များသည် ကြွေကျသော အသီးထက်ကြာရှည်ခံပြီး လက်ရှိတွင် မြိတ်မြို့၌ သရက်သီးကင်း(အငယ်)များသည် (၁၀)ကျပ်သားလျှင် ၄၀၀၀ကျပ်ခန့်နှင့် သရက်သီးကင်း (အငယ်) ၁လုံးလျှင် ၁၀၀၀ကျပ်ခန့် စျေးရရှိ ကြောင်း သိရှိရပါသည်။ လက်ရှိ ဒီဇင်ဘာလတွင် သရက်သီး အလုံးကြီးတစ်လုံး ၁၅၀၀မှ ၃၀၀၀ခန့်ရရှိ ရာမှ အသီးကင်းတစ်လုံး ၁၀၀၀ကျပ်ခန့်ရရှိသည့်အတွက် ဒေသစိုက်ပျိုးသူများအတွက် ဝင်ငွေကောင်း ရရှိနေကြောင်း သိရှိရပါသည်။
DOCA(တနင်္သာရီ)