ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် ပဲစိုက်တောင်သူများ ပဲတီစိမ်း စိုက်ပျိုးထုတ်လုပ်ရာတွင် GAP/GHP နည်းစနစ်များအတိုင်းစိုက်ပျိုးပြီး ပိုးသတ်ဆေးဓာတ်ကြွင်း ကင်းစင်သော အရည်အသွေးမြင့် ပဲတီစိမ်းများ ထုတ်လုပ်နိုင်စေရန် ရည်ရွယ်၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် စိုက်ပျိုးမွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနမှ ကျွမ်းကျင်ပညာရှင်များ ပူးပေါင်း၍ တောင်သူ နည်းပညာပေးသင်တန်းကို ဒီဇင်ဘာလ(၁၀)ရက်နေ့၊ နံနက်(၀၉:၃၀)နာရီအချိန်တွင် ခရမ်းမြို့ နယ်အားကစားခန်းမ၌ ဖွင့်လှစ်သင်ကြားခဲ့ကြောင်း သိရှိရပါသည်။
ထိုတောင်သူနည်းပညာသင်တန်းသို့ စီးပွားရေးကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ် ဦးကျော်ကျော်လွင်၊ ရန်ကုန်တိုင်းဒေသကြီးဦးစီးမှူး ညွှန်ကြားရေးမှူး ဦးကျော်စွာဝင်း၊ ကုန်ပစ္စည်းစမ်းသပ်စစ်ဆေးရေးနှင့် အရည်သွေးစီမံခန့်ခွဲမှုဌာန၊ ဒုတိယညွှန်ကြားရေးမှူး ဦးသန့်ဇင်၊ တောင်ပိုင်းခရိုင်ဦးစီးမှူး ဦးအောင်စိုးမိုး၊ ခရမ်းမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးအောင်ရဲ၊ စိုက်ပျိုးရေးဦးစီးဌာနမှ ဒုတိယညွှန်ကြားရေးမှူး ဒေါက်တာခင်ခင်မာလာမြင့်၊ လက်ထောက်ညွှန်ကြားရေးမှူး ဒေါက်တာဝင်းသန်း၊ လက်ထောက်ညွှန်ကြားရေးမှူး ဒေါက်တာခင်အေးပွင့်ခိုင်၊ လက်ထောက်ညွှန်ကြားရေးမှူး ဒေါ်ဆွေဆွေဦး၊ လက်ထောက်ညွှန်ကြားရေးမှူး ဒေါ်မြင့်မြင့်မော်တို့ တက်ရောက်ခဲ့ကြပြီး၊ စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ် ဦးကျော်ကျော်လွင်က အဖွင့်အမှာစကားပြောကြားခြင်း၊ စိုက်ပျိုးရေးဦးစီးဌာနမှ ဘာသာရပ်ဆိုင်ရာ ပညာရှင်များမှ ပဲစိုက်တောင်သူများအား ပဲတီစိမ်းစိုက်ပျိုးရေးဆိုင်ရာ နည်းစနစ်ကောင်းများအား ဆွေးနွေးပို့ချခဲ့ ပြီးသင်တန်းသို့ ပဲစိုက်တောင်သူ (၂၀၀)ဦးခန့်တက်ရောက်ခဲ့ကြပြီး တက်ရောက်လာသော တောင်သူများအား နည်းပညာပေးစာအုပ်များ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(ရန်ကုန်)