ဧရာဝတီတိုင်းဒေသကြီး၊ ဖျာပုံမြို့နယ် ကျုံကူကျေးရွာတွင် တောင်သူဦးဇော်မင်းထိုက်၏ မိုးစပါးကောက်စောရိတ်သိမ်းနေပြီဖြစ်ကြောင်းသိရှိရသဖြင့် စားသုံးသူရေးရာဦးစီးဌာနမှ မြို့နယ်တာဝန်ခံက နိုဝင်ဘာလ(၁၆)ရက်နေ့၌ ကျုံကူကျေးရွာသို့ ကွင်းဆင်းခဲ့သည်။
တောင်သူဦးဇော်မင်းထိုက်နှင့်တွေ့ဆုံ၍ မေးမြန်းရာစိုက်ဧက(၇၀)ရှိပြီးကောက်ညှင်း(၁၀) ဧက၊ ရက်(၉၀)စပါး(၁၂)ဧက၊ ပေါ်ဆန်းရင်(ဘေးကြား)(၂၀)ဧက၊ ဘေးကြား၊ တောင်ပျံ(၂၈)ဧက စိုက်ပျိြုးထားရှိသည်။ ယခုရက်(၉၀)စပါး၊(၁၂)ဧက ရိတ်သိမ်းလျက်ရှိပြီး တစ်ဧကအထွက်နှုန်း(၅၀) တင်းထွက်ရှိကာ ပေါင်(၅၀)ကိုက်ဖြင့် ချိန်တွယ်ပြီး အစိုဓာတ်(၁၇)ရာခိုင်နှုန်းရှိသည်။ နွေစပါးပြန် လည်စိုက်ပျိုးရန် စပါးအချို့တစ်ဝက် အား မျိုးစပါးအဖြစ်ထားရှိကာ ကျန်စပါးများကို စပါးတင်း (၁၀၀)လျှင်ကွင်းပေါက်ဈေးကျပ်သိန်း( ၁၁၅၀၀၀၀ ) ဈေးဖြင့် ရောင်းချသွားမည်ဖြစ်ကြောင်းသိရ သည်။ မိုးစပါးတစ်ဧကကုန်ကျစရိတမှာ ကျပ်ငါးသိန်းခန့်ရှိပြီး ဓာတ်မြေဩဇာ ဈေးနှုန်းမြှင့်တက် မှုကြောင့် တစ်ဧကကုန်ကျစရိတ်မြှင့်လာပြီးဖြစ်ကြောင်း၊ ယခုနှစ် စပါးပေါက်ဈေးအရတောင်သူများအနေဖြင့် တွက်ခြေကိုက်မှုရှိကြောင်းသိရသည်။
DOCA(ဧရာဝတီ)