မကွေးတိုင်းဒေသကြီး၊ မကွေးခရိုင်၊ မကွေးမြို့ပတ်ဝန်းကျင်ရှိ မကွေးကျွန်း၊ သင်္ဘောကျွန်း၊ ကြက်နဖကျွန်းတို့တွင် အညာသခွား(ခေါ်) ဆက်တွန့်သခွားကို သီးညှပ်စိုက်ပျိုးလျက်ရှိပြီး မကွေးတိုင်း ဒေသကြီးအတွင်းသာမကပဲ အခြားတိုင်းဒေသကြီး၊ အခြားမြို့နယ်များတွင်လည်း စိုက်ပျိုး၍ အရောင်း အဝယ်များ ဖြစ်ပေါ်လျက်ရှိကြပါသည်။ အညာသခွား(ခေါ်) ဆက်တွန့်သခွားကို ဇွန်လကုန်မှ စတင် စိုက်ပျိုးပြီး နိုဝင်ဘာလ (တတိယပတ်) နှင့် ဒီဇင်ဘာလတို့တွင် ထွက်ပေါ်လျက်ရှိပြီး အရောင်းအဝယ် အများဆုံးဖြစ်ပေါ်လျက်ရှိပါသည်။
အညာသခွား (ခေါ်)ဆက်တွန့်သခွား ထွက်ပေါ်လာသည့်အချိန်တွင် မကွေးမြို့ပေါ်တွင်ရှိသော မြို့မစျေး၊ မင်္ဂလာစျေး၊ ကန်သာစျေးနှင့် ရန်ပယ်စျေးများသို့ အများဆုံးတင်ပို့လျက်ရှိကြောင်းနှင့် သခွား သီး (၁)တောင့်လျှင် အရွယ်အစားပေါ်မူတည်၍ ကျပ်(၅၀၀- ၆၀၀-၇၀၀)ဈေးနှုန်းဖြင့် အရောင်းအဝယ် ဖြစ်ပေါ်လျက်ရှိကြောင်း သိရှိရပါသည်။
DOCA(မကွေး)