စစ်ကိုင်းတိုင်းဒေသကြီး၊ ကျွန်းလှမြို့နယ်အတွင်းရှိ တပ်ကုန်း၊ ရှမ်းစု၊ သစ်ရာမြိုင် စသည့် ကျေးရွာများတွင် နှမ်း၊ ဆီထွက်သီးနှံနှင့် ပဲမျိုးစုံသီးနှံများကို အဓိက စိုက်ပျိုးလျက်ရှိပြီး တပ်ကုန်းကျေးရွာတွင် ဆောင်းမြေပဲစိုက်ဧက ၁၅ ဧကခန့် စိုက်ပျိုးထားကြောင်း သိရသည်။
ဆောင်းမြေပဲကို သီ တင်းကျွတ်လတွင် စတင်စိုက်ပျိုးကြပြီး ပြာသိုလကုန်၊ တပို့တွဲလဆန်းတွင် လှိုင်လှိုင်ထွက်ပေါ်လျက်ရှိကြောင်း၊ မျိုးအနေဖြင့် လုံးဆန်ဖြူ၊ ရေဆင်း ၁၁ မျိုး (မြေပဲဆန်ဖြူ) မျိုးများကို စိုက်ပျိုးကြပြီး စိုက်ပျိုးထုတ်လုပ်မှုကုန်ကျစရိတ်အနေဖြင့် တစ်ဧကလျှင် ငွေကျပ် ၉၀၀၀၀၀ ခန့် ကုန်ကျကြောင်း၊ အထွက်တင်း ၅၀ တင်း ခန့် ထွက်ရှိ၍ ဈေးနှုန်းအနေဖြင့် တပို့တွဲလပြည့်ကျော်တွင် မြေပဲတောင့် တစ်တင်းလျှင် ငွေကျပ် ၄၅၀၀၀-၅၀၀၀၀ ဈေးနှုန်းများဖြင့် အရောင်းအဝယ်ဖြစ်လျက်ရှိပြီး အကျိုးအမြတ်အနေဖြင့် တစ်ဧကလျှင် ငွေကျပ် ၁၃ သိန်းကျော်ခန့် ရရှိကြောင်း၊ ဈေးကွက်အနေဖြင့် ဆောင်းမြေပဲများကို ကျွန်းလှမြို့ပေါ်ရှိ ဆီစက်လုပ်ငန်းရှင်များနှင့် မြေပဲကိုဆီကြိတ်၍ မြေပဲဆီသန့်၊ မြေပဲပတ်များရရှိ၍ ပြန်လည်ရောင်းချသည့် လုပ်ငန်းရှင်များမှလည်းကောင်း ဝယ်ယူကြကြောင်း၊ ယခုနှစ်တွင် အထွက်နှုန်းကောင်းပြီး ဈေးကောင်းရရှိသောကြောင့် တောင်သူများ အကျိုးအမြတ်များ ရရှိကြောင်း သိရှိရပါသည်။
DOCA(စစ်ကိုင်း)