မကွေးတိုင်းဒေသကြီး၊ ချောက်ခရိုင်၊ ချောက်မြို့နယ် ကြောင်လျှာတော၊ ဩဇာတော၊ စမ်းစုရွာ များတွင် မိုးပဲတီစိမ်းများ စတင်ထွက်ပေါ်နေပြီဖြစ်ပါသည်။ ချောက်မြို့ပေါ်ပွဲရုံများသို့ တစ်ရက်လျှင် အိတ်(၃၀၀-၃၅၀) ဝင်ရောက်ကြောင်းသိရှိရပါသည်။
စိုက်ပျိုးစရိတ်အနေဖြင့် တစ်ဧကလျှင် ကျပ်(၂၆၀၀၀၀) ကုန်ကျပြီးအထွက်နှုန်း အနေဖြင့် (၇)တင်းခန့် ထွက်ရှိကြောင်း ပဲတီစိမ်း (၁၉)ပိဿာ တစ်တင်း ကျပ်(၅၀၀၀၀) ရောင်းချရ၍ တစ်ဧက အကျိုးအမြတ်အနေဖြင့်ကျပ်(၉၀၀၀၀) ရရှိပါကြောင်း ယခင်နှစ်က တစ်ဧက (၈)တင်း ထွက်ရှိသော်လည်း၊ တစ်တင်းရောင်းစျေးမှာ ကျပ်(၃၃၃၀၀) ရောင်းရပြီး တစ်ဧက ကုန်ကျစရိတ် ကျပ်(၂၃၉၈၀၀)ဖြစ်၍ တစ်ဧက အကျိုးအမြတ်ကျပ်(၂၇၀၀၀) ရရှိပါကြောင်း၊ စိုက်ပျိုးရာတွင်သုံးစွဲသည့် သွင်းအားစုများ စျေးနှုန်းကြီးမြင့် ၍ ကုန်ကျစရိတ်များသော်လည်း၊ ပဲတီစိမ်း(သစ်) (၁၉)ပိဿာတစ်တင်း ကျပ်(၅၀၀၀၀)ရရှိပါသဖြင့် တွက်ခြေကိုက်ကြောင်း၊ ပဲတီစိမ်း(၄)ဧက စိုက်ပျိုးသူတောင်သူ ဦးအောင်ရွှေ၏ ပြောကြားချက်အရ သိရပါသည်။
DOCA(မကွေး)