ပုသိမ်မြို့နယ်တွင် ဒေသထွက်သီးနှံများဖြစ်သော မြေပဲ၊ နှမ်း၊ ပြောင်း၊ ဝါစသည့် ကုန်ကြမ်းသီးနှံများ အဓိကစိုက်ပျိုးထုတ်လုပ်သည့်အပြင် ဥယျာဉ်ခြံမြေများတွင် ရာသီပေါ် ဟင်းသီး ဟင်းရွက်နှင့် အသီးအနှံ များကိုလည်း စီးပွားဖြစ် စိုက်ပျိုးလျက်ရှိသည်။ ယခုလို ဆောင်းတွင်း ရာသီဦးပိုင်းတွင် သရက်ပင်များမှ သရက်သီးကင်း(အငယ်)များ ထွက်ရှိလာပြီဖြစ်ကာ ဒေသတွင်း စျေးကွက်များသို့ စတင်ရောက်ရှိ လျက်ရှိကြောင်း သိရသည်။
သရက်သီးကင်းများကို သရက်သီးမှည့်များ မဖြစ်ထွန်းမီ သီးစတင်သီးသောအချိန်၌ အရွယ်အစား ၁ လက်မခွဲမှ ၂ လက်မခန့်ရှိစဉ် ခူးဆွတ်ကြပြီး လတ်ဆတ်သော အနေအထားဖြင့် ဈေးများသို့ တင်ပို့ကြသည်။ ဤကဲ့သို့ ရာသီဦးပိုင်း၌ ပေါ်ဦးပေါ်ဖျား ရောင်းချသည့် သရက်သီးကင်း ငယ်များအား ရောင်းချသူများက စျေးကောင်းရရှိနေသကဲ့သို့ ဝယ်ယူစားသုံးသူများကလည်း စိတ်ဝင် စား မှုရှိနေကြောင်း တွေ့ရသည်။
လက်ရှိ ပုသိမ်မြို့နယ်အတွင်း ဈေးကွက်ဝင်နေသော သရက်သီးကင်း(အငယ်)များ၏ ရောင်းဈေး နှုန်းမှာ အရေအတွက်၊ အရွယ်အစားနှင့် အရည်အသွေးပေါ်မူတည်၍ ကွဲပြားမှုရှိသော်လည်း ယေဘုယျ အားဖြင့် ကျပ်သား (၁၀) သားလျှင် ကျပ် (၂၅၀၀) မှ (၄၀၀၀) အထိ၊ သီးတောင့်ကြီးများကို တစ်လုံးချင်းစီ ကျပ် (၃၀၀) မှ (၅၀၀) အထိ ဈေးနှုန်းများဖြင့် ရောင်းချနေကြောင်း ဈေးသည် များထံမှ သိရသည်။ ရာသီအစောပိုင်း ထုတ်လုပ်မှုနည်းပါးမှုကြောင့် ယခုအချိန်တွင် ဈေးနှုန်းများ အနည်းငယ် မြင့်မားနေခြင်းဖြစ်ပြီး နောက်ပိုင်းတွင် ထုတ်လုပ်မှု ပိုမိုများပြားလာပါက ဈေးနှုန်းများ ပြန်လည်ကျဆင်းလာနိုင်သည်ဟု ခန့်မှန်းရသည်။
ဤသို့ ရာသီဦးပိုင်းတွင် စျေးကောင်းရရှိသည့် သရက်သီးကင်းထုတ်လုပ်မှုသည် ဒေသခံ သီးနှံစိုက်ပျိုးသူများအတွက် အပိုဝင်ငွေ ရရှိစေသည့် အခွင့်အလမ်းတစ်ရပ်ဖြစ်သလို စားသုံးသူများ အနေဖြင့်လည်း ရာသီစာ လတ်ဆတ်သော ဟင်းလျာများကို ရရှိစားသုံးနိုင်ခြင်းကြောင့် နှစ်ဦး နှစ်ဖက် အကျိုးကျေးဇူးရှိစေသည့် ကုန်သွယ်မှုတစ်ရပ် ဖြစ်ပေါ်နေပါသည်။
DOCA (ဧရာဝတီ)