စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ဈေးများတွင် ဆောင်းရာသီစာဖြစ်သော မန်းကျည်းတောပဲမြစ်နှင့် ဒေသထွက်ကန်စွန်းဥများ ရောင်းချလျက်ရှိရာ မန်းကျည်းတော ပဲမြစ်ကို ရွှေဘိုမြို့မှ တစ်ဆင့် မုံရွာမြို့သို့ သယ်ယူရောင်းချလျက်ရှိပြီး အရောင်းသွက်လျက်ရှိ ကြောင်းသိရသည်။
၂၀၂၆ခုနှစ်၊ ဇန်နဝါရီလ ဒုတိယပတ်တွင် မုံရွာမြို့၌ ရောင်းချလျက်ရှိသော ကန်စွန်း ဥနှင့် မန်းကျည်းတောပဲမြစ် ဈေးနှုန်းများမှာ ကန်စွန်းဥ အကြီးအသေးအပေါ် မူတည်၍ ( ၁ ) ပိဿာလျှင် (၃၅၀၀ကျပ် မှ ၄၀၀၀ကျပ်)အထိလည်းကောင်း၊ မန်းကျည်းတောပဲမြစ် ( ၁ ) ပိဿာလျှင်( ၃၈၀၀ ကျပ်မှ ၄၅၀၀ ကျပ်)အထိလည်းကောင်း ဈေးနှုန်းအသီးသီးဖြင့် ရောင်းချလျက်ရှိကြောင်း သိရသည်။
DOCA(စစ်ကိုင်း)