မကွေးတိုင်းဒေသကြီး၊ တောင်တွင်းကြီးမြို့နယ်တွင် ဆီထွက်သီးနှံ (မိုး)နေကြာနှင့် (ဆောင်း) နေကြာ စုစုပေါင်း (၁၈၄၃)ဧက စိုက်ပျိုးထားရှိပြီး နေကြာစိုက်ခင်းများ အောင်မြင်ဖြစ်ထွန်းလျှက်ရှိကြောင်း သိရပါသည်။ မြို့နယ်အတွင်း ယခုနှစ် ဆီထွက်သီးနှံ (မိုး) နေကြာကို သီးထပ်သီးညှပ် (၁၄၉၂) ဧက စိုက်ပျိုးနိုင်ခဲ့ပြီး (၇၂၄)ဧက ရိတ်သိမ်းပြီးဖြစ်ကြောင်း၊ (၁)ဧကအထွက်နှုန်းအနေဖြင့် (၈.၂၈)တင်း ထွက်ရှိကြောင်းနှင့် (ဆောင်း)နေကြာ သီးနှံကို (၃၅၁)ဧက စိုက်ပျိုးထားရှိကြောင်း သိရှိရပါသည်။
(ဆောင်း) နေကြာသီးနှံ (၃၅၁)ဧကကို ကျေးရွာအုပ်စု(၂၈)အုပ်စုတွင် စိုက်ပျိုးထားပြီး တောင်တွင်းကြီးမြို့နယ်၊ ရေတွင်းကောင်းအုပ်စု၊ ရေတွင်းကောင်းကျေးရွာမှ တောင်သူတစ်ဦး စိုက်ပျိုးထားသော ဆီထွက်သီးနှံ (ဆောင်း)နေကြာ စံပြကွက် (၆)ဧက စိုက်ခင်းမှာ အောင်မြင်ဖြစ်ထွန်းလျှက်ရှိကြောင်း သိရှိရပါသည်။
DOCA(မကွေး)