ရွှေဘိုမြို့ရှိ ပြည်တွင်းကုန်သွယ်ရေးဖွံ့ဖြိုးမှု လုပ်ငန်းတစ်ခုဖြစ်သည့် ခေတ်သစ်ထွန်းကုမ္ပဏီမှ KTကြက်စာနှင့် ကြက်သားရောင်းဝယ်ရေးမှ ရောင်းချသည့် CP ကြက်အမျိုးအစားအလိုက် ဈေးနှုန်းများမှာ အကောင်လိုက်ဈေး(၁)ပိဿာလျှင် လက်လီ(၁၃၀၀ဝိ/-)ကျပ်၊ လက်ကား(၁၂၀၀ဝိ/-)ကျပ်၊ ရင်အုပ် (၁)ပိဿာလျှင် လက်လီ/လက်ကား (၁၆၀၀ဝိ/-)ကျပ်၊ ပေါင်(၁)ပိဿာလျှင် လက်လီ(၁၃၀၀ဝိ/-)ကျပ်၊ လက်ကား(၁၂၀၀ဝိ/-)ကျပ်၊ အရိုးစုံ (၁)ပိဿာလျှင် လက်လီ/လက်ကား(၈၀၀ဝိ/-)ကျပ်၊ အမြစ်၊ အသဲတစ်စုံလျှင်(၁၀၀ဝိ/-)ကျပ်ဖြင့် ရောင်းချပေးလျက်ရှိကြောင်း၊ ဈေးကွက်အနေဖြင့် ရွှေဘိုမြို့တွင်းရှိ ဈေးများတွင်ရောင်းချသည့် ဈေးသည်များ၊အလှူ၊ မင်္ဂလာပွဲဆောင်ရွက်မည့်သူများ၊ ဒေသတွင်း စားသုံးသူများမှ ဝယ်ယူကြကြောင်း၊ ခေတ်သစ်ထွန်းကုမ္ပဏီအနေဖြင့် ရွှေဘိုမြို့တွင် ဖြန့်ဖြူးရောင်းချသည့် CPကြက်သားများကို မိမိတို့ကုမ္ပဏီမှ ရွှေဘိုမြို့တွင် မွေးမြူထားသော ကြက်ခြံများအပြင် ဈေးကွက်လိုအပ်ချက်ရှိလာပါက အရောတော်၊ စစ်ကိုင်းနှင့် မုံရွာမြို့တို့တွင် မွေးမြူထားသော ကြက်ခြံများမှ သယ်ယူရောင်းချပေးလျက်ရှိကြောင်း၊ ကြက်သားအပြင် ကြက်ဥ၊ ကြက်စာနှင့် ကြက်မွေးမြူရေးတွင် အသုံးပြုသော ဆေးများကိုလည်းရောင်းချပေးလျက်ရှိကြောင်း သတင်းရရှိပါသည်။
DOCA(စစ်ကိုင်း)