ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် တာဝန်ခံနှင့် ဝန်ထမ်းတို့သည် (၁၆.၁.၂၀၂၆) ၊ နံနက် (၁၀:၀၀) နာရီ အချိန်တွင် အမှတ်(၂) ရပ်ကွက်၊ ရပ်တော်မူ ဘုရားတန်ဆောင်းတွင် ရပ်ကွက်နေ ပြည်သူများအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။
မြို့နယ်တာဝန်ခံက စားသုံးသူကာကွယ်ရေး ဥပဒေအကြောင်း ရှင်းလင်းပြောကြားခဲ့ပြီး စားသုံးသူများ လိုက်နာရမည့်တာဝန်များ အကြောင်း၊ ဘေးအန္တရာယ်ကင်းရှင်းစေရန် ရည်ရွယ်ဖော်ပြထားသော ကုန်စည်(သို့) ဝန်ဆောင်မှုဆိုင်ရာ အချက်အလက်နှင့် လမ်းညွှန်ချက်များကို လိုက်နာဆောင်ရွက်ခြင်း၊ ကုန်စည်(သို့) ဝန်ဆောင်မှုကို ဝယ်ယူအသုံးပြုရာတွင် ရိုးသားဖြောင့်မတ်မှန်ကန်စွာဆောင်ရွက်ခြင်း၊ တန်ဖိုးနှင့်ညီမျှသော အဖိုးအခပေးချေခြင်း၊ စားသုံးသူအငြင်းပွားမှုများတွင် သင့်လျော်စွာ ဖြေရှင်းဆောင်ရွက်ပေးသည့် ဆုံးဖြတ်ချက်များကို လိုက်နာခြင်း၊စီးပွားရေးလုပ်ငန်းရှင်များအပေါ် ထိခိုက်နစ်နာစေရန်ရည်ရွယ်၍ မဟုတ်မမှန် စွပ်စွဲပြောဆိုမှု ပြုလုပ်ခြင်းတို့ကို ရှောင်ကြဉ်ခြင်း၊ စားသုံးသူအငြင်းပွားမှုများအား သက်ဆိုင်ရာမှ ဖြေရှင်းနေစဉ် လူထုဆက်သွယ်ရေး နည်းလမ်းများဖြင့်ဖြစ်စေ၊ အခြားနည်းလမ်းများဖြင့်ဖြစ်စေ၊ သက်ဆိုင်ရာ စီးပွားရေးလုပ်ငန်းရှင်အပေါ် ထိခိုက်နစ်နာစေရန်ပြောဆိုခြင်း၊ ရေးသားခြင်းနှင့် ပြုမူခြင်းတို့ကို ရှောင်ကြဉ်ခြင်းစသည့် အချက်များအား ရှင်းလင်းပြောကြားခဲ့ကြောင်း သတင်းရရှိပါသည်။
DOCA(ဧရာဝတီ)