ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံ ဦးအောင်နိုင်ဦးနှင့် ဝန်ထမ်းများသည် ရွှေတောင်မြို့နယ်၊ မဲတောအုပ်စု၊ မဲတောကျေးရွာရှိ ပြည်သူ (၃၂)ဦးအား ၂၀၂၆ ခုနှစ်၊ ဇန်နဝါရီလ (၂၆)ရက်နေ့၊ နံနက် (၁၀:၀၀)နာရီအချိန်တွင် အွန်လိုင်းစနစ်ဖြင့် ဟောပြောဆွေးနွေးပွဲ ပြုလုပ်ခဲ့ပါသည်။
အဆိုပါ ဆွေးနွေးပွဲတွင် အွန်လိုင်းစနစ်ဖြင့် ရောင်းချသူများသည် အမိန့်ကြော်ငြာစာ အမှတ် (၅၁/၂၀၂၃)အရ မှတ်ပုံတင်လက်မှတ်လျှောက်ထားရရှိပြီးမှ လုပ်ကိုင်ရမည်ဖြစ်ကြောင်း၊ အမိန့်ကြော်ငြာစာအမှတ် (၅၁/၂၀၂၃)ဖြင့် ထုတ်ပြန်ထားသည့် အကြောင်းအရာများအကြောင်းနှင့် စားသုံးသူ၏ အခွင့်အရေးအကြောင်း၊ စီးပွားရေးလုပ်ငန်းရှင်၏ တာဝန်များအကြောင်းပြောကြားပြီး စားသုံးသူနစ်နာဆုံးရှုံးမှုမဖြစ်ပေါ်စေရေး၊ နစ်နာဆုံးရှုံးမှုဖြစ်ပေါ်လာပါက စားသုံးသူရေးရာဦးစီးဌာနသို့ တိုင်ကြားနိုင်ပြီး တိုင်ကြားရန်နည်းလမ်းများနှင့် Call Center 1535 သို့ တိုင်ကြားနိုင်ကြောင်းတို့ ဆွေးနွေးဟောပြောပွဲပြုလုပ်ခဲ့ကြောင်း သိရှိရပါသည်။
DOCA(ပဲခူး)