ယခုဇန်နဝါရီလ နောက်ဆုံးပတ်တွင် ကြက်သွန်နီများ အဝင်များလျက်ရှိရာ မကွေးတိုင်း၊ ရေနံချောင်း၊ တောင်းတွင်း၊ မြို့သစ်စတဲ့ မြို့နယ်များမှ ပြည်ဈေးကွက်သို့ ဝင်ရောက်မှုရှိနေသည်။ နေ့စဉ် ပိဿာချိန် ၁၈၀၀၀ ပတ်လည်ခန့်အဝင်ရှိနေကြောင်းသိရပြီး ဈေးကွက်မှ တစ်ဆင့် ရွှေတောင်၊ ပေါင်းတည်၊ နတ်တလင်း၊ သာယာဝတီနယ်များသို့ ကားလမ်းကြောင့်ဖြင့်လည်းကောင်း၊ အနောက်ဘက်ကမ်းရှိ ဆင်တဲ၊ ရွှေဘုံသာ၊ သစ်ဆိမ့်ပင်ရွာများသို့ ရေလမ်းကြောင်းဖြင့်လည်းကောင်း၊ ပြည်ဈေးကွက်မှ စီးဆင်းမှုများရှိနေကြောင်း သိရသည်။ ပြည်ပွဲရုံများ၌ ဒေသတွင်း ဝယ်လက်များ၊ အိတ်ဆွဲဝယ်ရောင်းသမားများနှင့် ပုံမှန်ရောင်းဝယ်မှုရှိနေပြီး ဝင်ရောက်မှုများနေသည့်အတွက် ဈေးကွက်အတွင်း ကြက်သွန်နီလက်ကျန်များလျက်ရှိနေသည်။ ဈေးနှုန်းမှာ ယခင် နှစ် ၂၀၂၅ ခုနှစ်၊ ကာလတူဈေးနှုန်းမှာ လက်လီ/လက်ကား ကျပ် ၂၈၀၀ - ၃၀၀၀ နှုန်းရှိခဲ့ပြီး ယခု ၂၀၂၆ ခုနှစ်၊ ဇန်နဝါရီ နောက်ဆုံးပတ်တွင် ပွဲရုံလက်ကားဈေးတစ်ပိဿာလျှင် ကြီး၊ လတ်၊ သေး ကျပ် ၂၈၀၀/၂၆၀၀/၂၄၀၀/၂၂၀၀ နှုန်းတို့နှင့် မြို့ပေါ်လက်လီဈေးများတွင် ကျပ် ၃၀၀၀/၃၂၀၀/၃၄၀၀/၃၆၀၀ နှုန်းတို့ဖြင့် အသီးသီးရောင်းဝယ်မှုရှိနေသည့်အတွက် ယခင်နှစ်နှုန်းထားများအတိုင်းရှိနေကြောင်း သိရှိရပါသည်။
DOCA(ပဲခူး)