နွားထိုးကြီးမြို့နယ်၌ မိုးစပါးသီးနှံကို ဩဂုတ်လနှင့် စက်တင်ဘာလတို့တွင် ၂၀၂၅-၂၀၂၆ ခုနှစ်တွင် မိုးစပါးသီးနှံကို (၁၁၈၅၉) ဧကစိုက်ပျိုးထားရှိသည့်အနက် ဧကအားလုံး ရိတ်သိမ်းခဲ့ပြီး တစ်ဧက အထွက်နှုန်းအနေဖြင့် (၇၅)တင်းခန့် ထွက်ရှိကြောင်း၊ နွားထိုးကြီးမြို့နယ်အတွင်းရှိ မိုးစပါးစိုက်ပျိုး သောကျေးရွာများမှာ ခက်လန်းကျေးရွာ၊ လက်ပံရွာ၊ တပါယ်ရွာ၊ နဘဲမြစ်ရွာ၊ လက်ပံရွာနှင့် ကျွန်းဒေါင့်ရွာ စသည်တို့တွင် အများတွင်စိုက်ပျိုးထားကြောင်း၊ ပျိုးထောင်ရက် (၂၁)ရက် အကြာတွင် စိုက်ပျိုးမည့် လယ်မြေအတွင်း ရွေ့ပြောင်းစိုက်ရပြီး စပါးတစ်သီး ရင့်မှည့်ချိန် အထိ ငါးလကြာမြင့်ကြောင်း၊ မျိုး၊ သွင်းအားစု၊ လုပ်သားခအပါအဝင် စုစုပေါင်း (၇၈၀,၀၀၀)ကျပ် ဝန်းကျင်ခန့် ကုန်ကျကြောင်း၊ စိုက်ပျိုးသည့် စပါးမျိုးများမှာ မနောသုခနှင့် အောင်နိုင်တိုး စပါးမျိုးများကိုသာ စိုက်ပျိုးထားကြောင်း၊ ယခု ၂၀၂၆ ခုနှစ်၊ ဇန်နဝါရီလ၌ မိုးစပါးများ စတင်ရိတ် သိမ်းပြီဖြစ်ကြောင်း၊ စပါးစျေးနှုန်းအနေဖြင့် မနောသုခ စပါး(မိုး) (၁)တင်းလျှင် (၁၄,၅၀၀-၁၅,၀၀၀) ကျပ်၊ မိုးစပါး တစ်ဧကအကျိုးအမြတ်အနေဖြင့် (၃၀၇,၅၀၀)ကျပ် ခန့်ရရှိကြောင်း၊ ဒေသတွင်း ဝမ်းစာအဖြစ် စားသုံးရန်အတွက်သာစိုက်ပျိုးကြကြောင်း၊ မနောသုခဆန် (သစ်) ၂၄ပြည် တစ်အိတ်လျှင် (၅၅,၀၀၀-၆၅,၀၀၀)ကျပ်ခန့်ရှိကြောင်း၊ ထွက်ရှိသော စပါးများကိုကျေးရွာ အတွင်းရှိစက်များ၌ ကြိတ်ခွဲပြီးရရှိလာသော ဆန်များကို မိမိတို့၏မိသားစု ဝမ်းစာနှင့် တိရစ္ဆာန်အစာအဖြစ် အသုံးပြုကြကြောင်း ခတ်လန်းရွာမှ စပါးစိုက်တောင်သူထံမှ သိရှိရပါသည်။
DOCA(မန္တလေး)