ကျောက်ဆည်မြို့ပေါ်စျေးများအတွင်းရှိ ရာသီပေါ်သီးနှံတစ်မျိုးဖြစ်သည့် မရမ်းသီးများအား အခြားကုန်စိမ်းများနှင့် အတူ တစ်နိုင်တစ်ပိုင်မှာယူရောင်းချပေးရာတွင် စျေးကောင်းရရှိလျက်ရှိကြောင်း သိရှိရပါသည်။ ရာသီစာမရမ်းသီများအား ယခုလဒုတိယအပတ်တွင် တစ်ပိဿာလျှင် (၃၀၀၀၀/-)ကျပ်၊ နောက်ဆုံးအပတ် မရမ်းသီးတစ်ပိဿာလျှင်(၂၀၀၀၀/-)ကျပ်ဖြင့် ရောင်းချလျကရှိကြောင်း၊ ယခင်အပတ်နှင့် နှိုင်းယှည်ပါက ဈေးနှုန်းအနည်းငယ်ကျဆင်းလျက်ရှိကြောင်း၊ ကုန်စိမ်းသည်များအနေဖြင့်လည်း (၅)ကျပ်သား အထုပ်ကလေးများထုပ်၍ တစ်ထုပ်လျှင် (၁၅၀၀/-) ကျပ်ဖြင့် အရောင်းသွက်ကြောင်း၊ မရမ်းသီးအမှည့်များကိုသကြားရေစိမ်၍ စားကြသလို မရမ်းသီးစိမ်းကို ဟင်းလျာအမျိုးမျိုးပြုလုပ်ပြီးစားသုံးကြပါသည်။ မရမ်းသီးငပိထောင်း၊ မရမ်းသီးစိမ်း ငပိချက်အစရှိသဖြင့် အရသာထူးကဲအောင် စားသုံးလေ့ရှိကြပါသည်။ မရမ်းသီးသုပ်မှာလည်း ကြားရယုံနဲ့သွားရည် ယိုနိုင်တဲ့အစားအသောက်တစ်မျိုးဖြစ်ပါသည်။ အချဉ်ဓာတ်ကဲတဲ့ မရမ်းသီးစားသုံးခြင်းဖြင့် အသားအရေလှပစေခြင်း၊ အဆီကျခြင်း၊ ကင်ဆာဖြစ်ခြင်းမှကာကွယ်ပေးနိုင်ကြောင်း၊ ကျန်းမာရေး စာစောင်များမှ ဖတ်ရှုသိရှိရပါသည်။ အညာဒေသတွင် မရမ်းသီးထောင်းနှင့်ပဲကြီးနှပ်ဖြင့် တွဲဘက် စားသုံးကြပါသည်။ ရာသီးစာလည်းဖြစ် ခံတွင်းကိုမြိန်စေသော မရမ်းသီးသီးနှံကို ဝယ်ယူစားသုံးသင့် ပါကြောင်း ရေးသားတင်ပြအပ်ပါသည်။
DOCA(မန္တလေး)