မြင်းခြံခရိုင်၊ စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် ဝန်ထမ်းများသည်(၂၄-၁-၂၀၂၆) ရက်နေ့ (၁၃:၃၀) နာရီအချိန်တွင် မြင်းခြံမြို့အတွင်းရှိ ဆန်လက်လီ၊ လက်ကားအရောင်းဆိုင်များသို့ ကွင်းဆင်းစစ်ဆေးမှုများ ဆောင်ရွက်ခဲ့ကြောင်း သိရှိရသည်။
ထိုသို့ကွင်းဆင်းရာတွင် မြင်းခြံဈေးကွက်၌ ရွှေဘိုပေါ်ဆန်း(ဟောင်း) ၂၄ ပြည်တစ်အိတ် လျှင်(၁၈၅၀၀၀-၂၀၀၀၀၀)ကျပ် ခန့်ရှိကြောင်း၊ ရွှေဘိုပေါ်ဆန်း(အသစ်)၂၄ပြည် တစ်အိတ်လျှင် (၁၇၅၀၀၀) ကျပ်ခန့် ရှိကြောင်း၊ ဒေသတွင်း ဝင်ရောက်မှုအနေဖြင့်ရွှေဘိုပေါ်ဆန်း ဆန်များကို ရွှေဘိုမြို့မှတိုက်ရိုက်ဝယ်ယူသလို၊ မန္တလေးမြို့မှလည်း ဝယ်ယူရောင်းချကြောင်း၊ ရွှေဘို-မြင်းခြံသို့ တိုက်ရိုက်တင်ပို့သည့် ယာဉ်များမရှိကြောင်း၊ မြင်းခြံမြို့နယ်မှ ပေါ်ဆန်းမွှေး (ရွှေဘို)ဆန်များဝယ်ယူရာတွင် ဆန်များကို ရွှေဘိုမြို့မှ မန္တလေးမြို့သို့လည်းကောင်း၊ မန္တလေးမှတဆင့် မြင်းခြံမြို့သို့လည်းကောင်း သယ်ယူရကြောင်း၊ ကားသယ်ယူခနှုန်းထားများအနေဖြင့် ရွှေဘိုမြို့မှ မန္တလေးမြို့သို့ ဆန်(၂၄) ပြည် တစ်အိတ်လျှင် (၆၀၀၀) ကျပ်ခန့်ရှိကြောင်း၊ မန္တလေးမြို့မှ မြင်းခြံမြို့ သို့အရောက်တင်ပို့လျှင် ဆန်(၂၄)ပြည် တစ်အိတ်လျှင် (၅၀၀၀-၅၅၀၀) ကျပ်ခန့်ရှိကြောင်း၊ ရွှေဘိုပေါ်ဆန်း ပင်ရင်းဒေသဝယ်ရင်းဈေးနှုန်းများကို မေးမြန်းရာတွင် ပေါ်ဆန်း (ရွှေဘို)အသစ်တစ် အိတ်လျှင်(၁၆၅၀၀၀-၁၉၀၀၀၀)ကျပ်ဈေးဖြင့် ဝယ်ယူရောင်းချရကြောင်း သိရှိရပါသည်။
ဆန်လက်လီလက်ကားရောင်းချသူများအား ဆန်များကိုသင့်တင့်မျှတသော နှုန်းထားများဖြင့် ရောင်းချရန်၊ ဈေးကစားရန်ရည်ရွယ်ချက်ဖြင့် သိုလှောင်ရောင်းချခြင်းများမပြုလုပ်ရန် ဆန်ချောဈေးနှုန်းဈေးကွက်နှင့် လက်ကျန်အိတ်အခြေအနေများ ကွင်းဆင်းမေးမြန်းဆောင်ရွက်ခဲ့ကြောင်း သိရှိရပါသည်။
DOCA(မန္တလေး)