မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် “ဝါ”သီးနှံကို ကံတော်၊ ကံလှ၊ ကံ တိန်၊ ကံရက်၊ ကံမြင့်ကုန်း၊ မြိုင်နှင့် ရေစကြိုမြို့ နယ်အတွင်းရှိရွာများမှ အဓိကစိုက်ပျိုး ကြပါသည်။ ထွက်ရှိသော“ဝါ”များကို ပခုက္ကူမြို့ပေါ်သို့ ဝင်ရောက်အရောင်းအဝယ်ဖြစ်လျက်ရှိပါသည်။ ပခုက္ကူ မြို့ “ဝါ”စိုက်ဧကမှာ ယခင် က (၅၀၀၀မှ၆၀၀၀)ရှိခဲ့ပြီး ယခုအခါတွင် စိုက်ဧက(၂၅၀၀) ဝန်ကျင် ခန့်သာ စိုက်ပျိုးကြောင်း သိရှိရပါသည်။ “ဝါ”စိုက်ပျိုးရာတွင်အဓိက ချည်မျှင်ရှည်ဝါနှင့် ချည်မျှင်တို ဝါများကို စိုက်ပျိုး ကြပါသည်။ “ဝါ” စတင်ပေါ်စတွင် အစေ့ပါ တစ်ပိဿာလျှင် ကျပ်(၃၈၀၀)ဖြစ်ခဲ့ပြီး တစ်နေ့လျှင် ကုန်ချိန်(၁၀၀ မှ ၃၀၀ ထိ) ဝင်ရောက်လျက်ရှိကြောင်း “ဝါ”ကုန်သည် များထံမှ သိရှိရပါသည်။
ဈေးနှုန်းဈေးကွက်အနေဖြင့် ပခုက္ကူမြို့နယ်မှ ထွက်ရှိသော“ဝါ”များကို မန္တလေးတိုင်းဒေသ ကြီးနှင့် သရက်၊ အောင်လံခရိုင်များသို့လည်း တင်ပို့ရောင်းချလျက်ရှိပါသည်။ ယခင်လ ဇန်နဝါရီလ အစောပိုင်းတွင် “ဝါ”ဝင်ရောက်မှုမှာ အလွန်းနည်းပါးကြောင်း၊ ဈေးနှုန်းအနေဖြင့် ချည်မျှင်ရှည်ဝါ တစ်ပိဿာလျှင် ကျပ်(၃၈၀၀-၄၀၀၀)၊ ချည်မျှင်တိုဝါ တစ်ပိဿာလျှင် ကျပ်(၃၅၀၀)ရှိပြီး ဝါကြိတ် ဖတ်တစ်ပိဿာလျှင် ကျပ်(၁၅၀၀)၊ ဝါစေ့တစ်ပိဿာလျှင် ကျပ်(၂၅၀၀)၊ ဝါစေ့ဆီတစ်ပိဿာလျှင် ကျပ်(၁၀၀၀၀)ဈေးဖြစ်ခဲ့ပြီး ယခုဖေဖေါ်ဝါရီလ (တတိယပတ်)တွင် ချည်မျှဉ်ရှည်ဝါ တစ်ပိဿာလျှင် ကျပ် (၄၅၀၀)၊ချည်မျှင်တိုဝါတစ်ပိဿာလျှင် ကျပ်(၄၀၀၀) ဝါစေ့တစ်ပိဿာလျှင် ကျပ်(၂၃၀၀-၂၄၀၀)၊ ဝါစေ့ဆီတစ် ပိဿာလျှင်ကျပ်(၈၆၀၀)၊ ဝါကြိတ်ဖတ် တစ်ပိဿာလျှင်ကျပ် (၂၄၀၀-၂၅၀၀)၊ ဝါဂွမ်းအစေ့လွတ် တစ်ပိဿာလျှင်ကျပ် (၁၁၀၀၀-၁၁၅၀၀)ဖြစ်ပြီး ယခင် ဇန်နဝါရီလနှင့် ဈေးနှုန်း နှိုင်းယှဉ်ပါက ဝါဂွမ်းတစ်ပိဿာလျှင် ကျပ်(၅၀၀) ခန့်ဈေးတက်ပြီး ဝါစေ့ဆီတစ်ပိဿာလျှင် ကျပ် (၁၄၀၀)ခန့် ဈေးကျနေပြီး အရောင်း အဝယ်ဖြစ် ကြောင်း၊ “ဝါ”ဝင်ရောက်မှုမှာ နည်းပါးနေကြောင်း “ဝါ”ကုန်သည်များထံမှ သိရှိရပါသည်။
DOCA(မကွေး)