ယခုအပတ် ပြည်မန်ကျည်းမှည့် ပွဲရုံများတွင် နယ်အဝယ်လုံးဝမရှိတော့ဘဲ ဒေသအတွင်း အရောင်းအဝယ်သာရှိနေပြီး တစ်နေ့လျှင် ပိဿာ (၁၀)ကျော်ခန့် လက်လီသမားတို့သာ ဝယ်ယူမှုရှိပါသည်။ မန်ကျည်းမှည့် (ကတုံး)တစ်ပိဿာလျှင် ၁၈၀၀ကျပ်နှင့် (အသားဈေး)တစ်ပိဿာလျှင် ၄၀၀၀ကျပ်တို့ဖြင့် လက်ကားရောင်းချနေကြောင်း သိရှိရပါသည်။ လက်လီဈေးများတွင် မန်ကျည်း မှည့် (အသား) ဈေးမှာ တစ်ပိဿာလျှင် ၅၀၀၀ကျပ်ဈေးဖြင့် ရောင်းချလျှက်ရှိနေပါသည်။ ယခု အပတ်တွင် မန်ကျည်းမှည့်ဈေးမှာ အတက်အကျမရှိဘဲ ဈေးငြိမ်နေကြောင်း သိရှိရပါသည်။
ပြည်ပွဲရုံများသို့ အောင်ပန်းဘက်မှ ချင်းတက်များ ပုံမှန်အဝင်ရှိနေသော်လည်း အရောင်း အဝယ်မှာ ဒေသတွင်းလက်လီ/လက်ကားသမားတို့သာ အဝယ်ရှိနေပြီး နယ်အဝယ်နည်းနေကြောင်း တွေ့ရှိရပါသည်။ ချင်းလှီးသမားတို့ ပုံမှန်အဝယ်ရှိနေသောကြောင့် အရောင်းအဝယ် အနည်းငယ်သာ ဖြစ်နေပါသည်။ ယခုအပတ်ချင်းတစ်ပိဿာဈေး (ပွဲရုံဈေး) ၂၀၀၀-၂၂၀၀ကျပ် အိတ်ဆွဲဈေးဖြစ်ပြီး ၊ ဒါးလှီးချင်းတစ်ပိဿာလျှင် ၂၇၀၀-၂၈၀၀ကျပ်ဖြစ်ပါသည်။ လက်လီဈေးမှာတစ်ပိဿာလျှင် ၃၀၀၀ ကျပ် ဈေးတို့ဖြင့် ရောင်းချလျှက်ရှိကြောင်း သိရှိရပါသည်။
DOCA(ပဲခူး)