ရွှေဆိုင်လုပ်ငန်းရှင်များနှင့် တွေ့ဆုံဆွေးနွေး

        ရွှေစျေးနှုန်းတည်ငြိမ်စေရေး မြို့နယ်ရွှေဆိုင်လုပ်ငန်းရှင်များဖြင့် တွေ့ဆုံ၍ အစည်းအဝေးကို ၄.၄.၂၀၂၆ ရက်နေ့ နံနက် (၁၀း၀၀)နာရီအချိန်တွင် မအူပင်ခရိုင်၊ ညောင်တုန်းမြို့နယ် အထွေထွေအုပ်ချုပ်ရေး အစည်းအဝေးခန်းမတွင် ရွှေစျေးနှုန်းတည်ငြိမ်စေရန် သတ်မှတ်စျေးနှုန်း ဖြင့်သာ ရောင်းချနိုင်ရေးဆွေးနွေးခဲ့ကြောင်း သိရသည်။

         အစည်းအဝေးမှာ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူက ရွှေဆိုင်လုပ်ငန်းရှင်များကို ရွှေစျေးနှုန်းတည်ငြိမ်စေရေးနှင့်ပတ်သက်၍ ပြောကြားခဲ့ပြီးရွှေဆိုင်များ၊ ရွှေလုပ်ငန်းရှင်များအနေဖြင့် အရောင်းအဝယ်ပြုလုပ်ရာတွင် အဆင်ပြေစေရန် သတ္ထုလိုင်စင်များကိုလည်း လျှောက်ထားပြုလုပ်ကြရန်၊ လုပ်ငန်းလိုင်စင်များ သက်တမ်းတိုးဆောင်ရွက်ရန်၊ အခွန်ထမ်းဆောင်သူ လုပ်ငန်းရှင် ဟုတ်မဟုတ်၊ အထက်ဌာနများ၏ အမိန့်၊ ညွန်ကြားချက်၊ လုပ်ထုံးလုပ်နည်းများနှင့် အညီဆောင်ရွက်သွားရန် မှာကြားဆွေးနွေးခဲ့ပြီး ရွှေဆိုင်လုပ်ငန်းရှင် ၁၃ ဦးတက် ရောက်ခဲ့ကြောင်း သိရှိရပါသည်။

DOCA(ဧရာဝတီ)