မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်၊ ကိုးဆူကျေးရွာ၌ တောင်သူဦးစံသိန်း စိုက်ပျိုးထားသည့် ဆီးပန်းသီးခြံ(၅)ဧကမှ ဆီးပန်းသီးများ စတင်ခူးဆွတ်ရောင်းချနေရကြောင်း သိရှိရပါသည်။
တစ်ဧကလျှင် (၁၅)ပေ×(၁၅)ပေ အကျယ်ဖြင့် အပင် (၁၀၀)စိုက်ပျိုးထားပြီး စုစုပေါင်း (၅)ဧကတွင် ဆီးပန်းသီးပင် (၅၀၀)ပင်စိုက်ပျိုးထားကြောင်း၊ မေ၊ ဇွန်၊ ဇူလိုင်လမှ စတင်၍ ကိုင်းကူးပျိုးပင်ကို တစ်ပင်ကျပ်(၃၀၀)နှုန်းဖြင့် ဝယ်ယူစိုက်ပျိုးပြီး နိုဝင်ဘာ၊ ဒီဇင်ဘာ၊ ဇန်နဝါရီ (၃)လတွင် ဆီးပန်းသီးပင်များ ခူးဆွတ်ရောင်းချရပါကြောင်း တစ်နေ့လျှင် ဆီးပန်းသီး (၂၅၆)ပြည် (၁၆)တင်းခန့် ခူးဆွတ်ရရှိကြောင်းနှင့် ဆီးပန်းသီးတစ်ပြည်လျှင် ကျပ်(၁၀၀၀)နှုန်းဖြင့်ရောင်းချရ၍ တစ်နေ့လျှင် ကျပ် (၂၅၆၀၀၀) ဝင်ငွေရရှိပါကြောင်း မကွေး-ချောက်ကားလမ်းမကြီးပေါ်တွင် ဆိုင်ဖွင့်လှစ်ရောင်းချခြင်းနှင့် တောင်ကြီး၊ ပြင်ဦးလွင်၊ ကျောက်ပန်းတောင်း၊ ညောင်ဦး မြို့များသို့ တင်ပို့ ရောင်းချလျှက်ရှိကြောင်းနှင့် ယခုနှစ်တွင် ယခင်နှစ်ကထက် အသီးပိုမိုထွက်ရှိသော်လည်း ရာသီဥတုအခြေအနေအရ နှင်းမကျသောကြောင့် ပိုးအနည်းငယ်ကျနေသော်လည်း စီးပွားရေး တွက်ချေကိုက်ကြောင်း ဆီးပန်းသီးစိုက်ပျိုးထားသည့် တောင်သူဦးစံသိန်းထံမှ လေ့လာသိရှိရပါသည်။
DOCA(မကွေး)