စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျက်ရှိပါသည်။
ရွှေဘိုမြို့ ပဲ၊ နှမ်းကုန်စည်ဒိုင်အနေဖြင့် ဒီဇင်ဘာလ ပထမပတ်အတွင်း နှမ်းနက်တစ်မျိုးတည်းသာ အရောင်းအဝယ်ဖြစ်ခဲ့ကြောင်း ပဲ၊ နှမ်းကုန်စည်ဒိုင်မှ တာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။ နှမ်းနက်တစ်တင်းလျှင် အနိမ့်ဈေး(၈၁၅၀ဝိ/-)နှင့် အမြင့်ဈေး(၈၅၀၀ဝိ/-) ပေါက်ဈေးရှိခဲ့ပြီးအရောင်းအဝယ်ဖြစ်မှုမှာ (၁၅၀၀၀)တင်း/(၃၆၇)တန်ဖြစ်ကြောင်း၊ ယခင်နှစ်ကာလတူတွင် နှမ်းဖြူနှင့် နှမ်းနက်များ အရောင်းအဝယ်ဖြစ်ခဲ့ပြီး ယခင်နှစ်ကာလတူနှင့် နှမ်းနက်အရောင်းအဝယ်ဖြစ်မှု နှိုင်းယှဉ်ပါက ယခုနှစ်တွင်ယခင်နှစ်ထက် (၇၂၀၀)တင်း/(၁၇၆)တန် ပို၍အရောင်းအဝယ်ဖြစ်ခဲ့ကြောင်း၊ ရွှေဘိုမြို့ ပဲ၊ နှမ်း ကုန်စည်ဒိုင်အနေဖြင့် မန္တလေးဈေးကွက်ကို အခြေခံ၍ရောင်းချခြင်းဖြစ်ပြီး ဝယ်ယူရရှိသည့်သီးနှံများကို ပြန်လည်သိုလှောင်ခြင်းနှင့် မန္တေလေးဈေးကွက်သို့ ပြန်လည်တင်ပို့ခြင်းများ ဆောင်ရွက်ကြောင်း ကုန်စည်ဒိုင်မှ တာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။
DOCA(စစ်ကိုင်း)