မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သော ကြောင့်သီးနှံမျိုးစုံစိုက်ပျိုးဖြစ်ထွန်းလျက်ရှိရာ၄င်းသီးနှံများအနက်ပြောင်းဖူးသီးနှံကိုလည်းစီးပွားဖြစ် စိုက်ပျိုးလာကြပါသည်။ ပြောင်းဖူး စိုက်ပျိုးမှုအနေဖြင့် ၂၀၂၅-၂၀၂၆ ဘဏ္ဍာနှစ်တွင် ကျောက်ဆည် မြို့နယ်တွင်(၄၁၃၇)ဧက၊စဉ့်ကိုင်မြို့နယ်တွင်(၅၂၁)ဧက၊မြစ်သားမြို့နယ်တွင်(၃၂၀၀)ဧက၊စုစုပေါင်း (၇၈၅၈)ဧကစိုက်ပျိုးထားရှိပြီး ဧကအားလုံး ရိတ်သိမ်းပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရသိရှိရပါသည်။ အများဆုံး စိုက်ပျိုးသော မျိုးများမှာ သကြားပြောင်းမျိုးဖြစ်ပြီး (၁)ဧက မျိုးအနေဖြင့် ပြောင်းဖူးစေ့(၈)ပြည် စိုက်ပျိုးရကြောင်း၊ မျိုးစျေးနှုန်းအနေဖြင့် မျိုးစေ့(၁)ပြည်လျှင် (၅၀၀၀/-)ကျပ်ဖြင့် ဝယ်ယူစိုက်ပျိုးကြကြောင်း ၊ ယခုအချိန်တွင် ဆောင်းပြောင်းဖူးများ အားလုံး ရိတ်သိမ်းပြီးစီးပြီဖြစ်ကြောင်း ၊(၁)ဧက စိုက်ပျိုမှု ကုန်ကျစရိတ်အနေဖြင့် မျိုး၊ သွင်းအားစု၊လုပ်သားခ အပါအဝင်စုစုပေါင်း(၅၀၀၀၀၀/-)ကျပ်အထိကုန်ကျကြောင်း၊(၁)ဧကအထွက်နှုန်းအနေဖြင့်ပြောင်းဖူး စုစုပေါင်း(၄၅၀၀-၅၀၀၀)ဖူးခန့် ထွက်ရှိကြောင်း၊ပြောင်းဖူးဈေးနှုန်းအနေဖြင့် တစ်ဖူးလျှင် လက်ကား (၃၀၀)ကျပ်၊လက်လီ(၅၀၀/-)ကျပ်၊ပြောင်းဖူးပြုတ်တစ်ဖူးလျှင်(၇၀၀-၈၀၀)ကျပ် စျေးများဖြင့်ရောင်း ဝယ်လျက်ရှိကြောင်း ၊ ပြောင်းဖူးကို လူကြိုက်များသောကြောင့် အရောင်းသွက် ကြောင်း၊အိမ်ရှင်မ များမှပြောင်းဖူးကို သရေစာအဖြစ်စားသုံးကြသလို ပြောင်းဖူးကြော်၊ပြောင်းဖူးသုပ် ၊ ပြောင်းဖူးထောင်း အနေဖြင့် အမျိုးမျိုးစားသုံးကြကြောင်း၊ ပြောင်းဖူးကိုပွဲစားများမှအခင်းထဲအရောက် လာရောက်ဝယ်ယူကြကြောင်း၊ ပွဲစားများမှ တဆင့် ရန်ကုန် ၊ မန္တလေး ကားလမ်းဘေးတွင်လည်း ရောင်းချပေးလျက်ရှိကြောင်း၊ အကျိုးအမြတ်အနေဖြင့် စိုက်ပျိုးစရိတ်နှုတ်ပြီး(၈၅၀၀၀၀/)ကျပ်ခန့် မြတ်ကြောင်း၊ ပြောင်းဖူး စိုက်ပျိုးသော တောင်သူ တစ်ဦး၏ပြောကြားချက်အရသိရှိရပါသည်။
DOCA(မန္တလေး)