ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ် မကြီးကုန်းအုပ်စု မကြီးကုန်းကျေးရွာ တောင်သူ ဦးရွှေမြင့်သည် တိုင်တောင်ပဲ စိုက်ပျိုးထားကြောင်း၊ စိုက်ပျိုးမြေ တစ်ဧကတွင် တိုင်ထောင်ပဲ (တစ်သုံးလုံး) မျိုး (၂) ထုပ် ကုန်ကျကြောင်း၊ တိုင်ထောင်ပဲ တစ်ထုပ်လျှင် ကျပ် ၅၄၀၀၀ ရှိကြောင်း၊ တစ်ဧကမျိုးစေ့မှာ ၂ ထုပ် အသုံးပြုရ၍ ကျပ် ၁၀၈,၀၀၀ ကုန်ကျကြောင်း၊ တစ်ဧက ထွန်ယက်ခမှာ ကျပ် ၆၀,၀၀၀ ကုန်ကျကြောင်း၊ ဘောင်ဆွဲခမှာ တစ်မနက် ကျပ် ၇,၀၀၀ နှင့် (၅) ယောက်ငှားခ ကျပ် ၃၅,၀၀၀ ဖြင့် (၃) ရက်ကြာ ဘောင်ဆွဲရသဖြင့် ငှားရမ်းခမှာ ကျပ် ၁၀၅,၀၀၀ ကုန်ကျကြောင်း သိရှိရပါသည်။ မြေအောက်ခံဆေးအနေဖြင့် ရွှေနင်္ဂါး တစ်ပိဿာ ကျပ် ၄,၀၀၀ နှင့် (၄) ကြိမ်ပက်ဖျန်း စရိတ်မှာ ကျပ် ၁၆,၀၀၀ ကုန်ကျကြောင်း၊ အပင်အားဆေးမှာလည်း ရွှေမင်္ဂလာ တစ်ထုပ် ကျပ် ၂၅,၀၀နှင့် (၄) ကြိမ်ပက်ဖျန်းစရိတ် မှာ ကျပ် ၁၀,၀၀၀ ကုန်ကျကြောင်း၊ ထပ်မံဆေးဖျန်းစရိတ်မှာလည်း တစ်မနက် ကျပ် ၇,၀၀၀နှုန်းနှင့် ၃ယောက်ငှားခမှာ ကျပ် ၂၁,၀၀၀ ပေချေရကြောင်း၊ တစ်ဧကစုစုပေါင်း ကုန်ကျစရိတ်မှာ ကျပ် ၃၂,၀၀၀၀ ကုန်ကျကြောင်း သိရှိရပါသည်။ တစ်ဧကအထွက်ခန့်မှန်းမှုမှာ တိုင်ထောင်ပဲ အတောင့်အရေအတွက်မှာ အတောင့် ၆၀,၀၀၀ ပြီး ယခုပေါက်ဈေးမှာ တိုင်ထောင်ပဲတစ်တောင့်ကို ကျပ် (၂၀) နှုန်းဖြင့် ရောင်းရသဖြင့် (၂၀) ရောင်းရငွေမှာ ကျပ် ၁,၂၀၀,၀၀၀ ရရှိသဖြင့် စိုက်ပျိုးတောင်သူအနေဖြင့် ကျပ် ၈၈၀,၀၀၀အကျိုးအမြတ်ရရှိမည်ဖြစ်ကြောင်း သိရှိရပါသည်။ အထွက်နှုန်းမှာလည်း စိုက်ပျိုးမြေပေါ်မူတည်၍ မြေကောင်းလျှင်ကောင်းသလို အကျိုးအမြတ်ရရှိပြီး ဈေးနှုန်းကောင်းလျှင် အကျိုးအမြတ်များပြီး ဈေးနှုန်းနည်းလျှင် အကျိုးအမြတ်နည်းပါးကြောင်း ရေးသားဖော်ပြလိုက်ရပါသည်။
DOCA(ပဲခူး)