ပဲခူးတိုင်းဒေသကြီး နတ်တလင်းခရိုင် သဲကုန်းမြို့နယ် ညောင်ဝင်းအုပ်စု လက်ပံပင်လေး ကျေးရွာ တောင်သူဦးသန်းဝင်း စိုက်ပျိုးထားသော သခွါးသီးစိုက်ခင်းသို့ သွားရောက်ကာ တစ်ဧက ကုန်ကျစရိတ် တစ်ဧကအထွက်နှုန်း တစ်ဧကအကျိုးအမြတ်နှင့် ဈေးကွက် ဈေးနှုန်း အခြေအနေ တို့အားသွားရောက် လေ့လာခဲ့ပါသည်။
တစ်ဧကစိုက်ပျိုးရာတွင် မျိုး၊ ထွန်ယက်ခ နှင့် ဓါတ်မြေဩဇာ အပါအဝင် ကုန်ကျစရိတ် ပေါင်း(၈)သိန်းကျော် ကုန်ကျပြီး သခွါးသီးတစ်လုံးလျှင် (၇၀၀)ကျပ် ရောင်းချရ၍ (၃)ရက်လျှင် တစ်ကြိမ်ခူးဆွတ်ရောင်းချပြီးတစ်ရာသီစိုက်ပျိုးလျှင်(၅)သိန်းကျော်အမြတ်ရရှိပါသည်။ ကုန်စိမ်းဒိုင် များမှလာရောက် သယ်ယူကာ ကုန်စိမ်းကားများဖြင့် ရန်ကုန်မြို့နယ် ဒညင်းကုန်းဈေးကြီး အတွင်းသို့ ပို့ဆောင်ရောင်းချရပြီး ဈေးကွက်ဝင် သီးနှံဖြစ်သောကြောင့် တောင်သူများအကျိုးအမြတ်ရရှိကာ စီးပွားဖြစ်သီးနှံအဖြစ် ဆက်လက် စိုက်ပျိုးလုပ်ကိုင်သွားမည် ဖြစ်ကြောင်းသိရှိရပါသည်။
DOCA(ပဲခူး)