၂၀၂၆ ခုနှစ်၊ ဇွန်လ ၂၂ ရက်နေ့၊ နေ့လယ် (၁၃း၃၀) နာရီအချိန်တွင် စားသုံးသူရေးရာဦးစီးဌာန၊ မုံရွာခရိုင်တာဝန်ခံနှင့် မုံရွာမြို့နယ်တာဝန်ခံတို့သည် မြို့ပေါ်ရှိ MSME ထုတ်ကုန် ထုတ်လုပ်သည့် Htoo Sann အမှတ်တံဆိပ်၊ Myo Thiri အမှတ်တံဆိပ်နှင့် စိန်သီဟအမှတ်တံဆိပ် စုစုပေါင်း အမှတ်တံဆိပ် ( ၃ )မျိုးတို့အား ကုန်အညွှန်းအမှတ်အသားဖော်ပြချက်များနှင့် ကိုက်ညီမှု ရှိ / မရှိနှင့် ထုတ်လုပ်သည့် ရက်စွဲ၊ သက်တမ်းကုန်ဆုံးသည့်ရက်စွဲများ ဖော်ပြထားခြင်း ရှိ/ မရှိ တို့အား မြေပြင်ကွင်းဆင်း စစ်ဆေးဆောင်ရွက်ခဲ့ကြောင်း သိရသည်။
ဆက်လက်၍ အဆိုပါ လုပ်ငန်း ( ၃ )ခုအား ညွှန်ကြားချက်နှင့် ပြည့်စုံ၊ ကိုက်ညီမှု ရှိ / မရှိ စစ်ဆေးရာတွင် ကိုက်ညီမှုမရှိသေးသည့် ကုန်အမှတ်တံဆိပ်များအား အချိန်ကာလ ၁ လ သတ်မှတ်၍ ပြင်ဆင်စေပြီး၊ နောက်တစ်ကြိမ် ပြန်လည်စစ်ဆေးဆောင်ရွက်သွားမည်ဖြစ်ကြောင်းနှင့် စားသုံးသူ အသိပညာပေးလုပ်ငန်းများ ဆောင်ရွက်ခဲ့ကြောင်း သတင်းရရှိပါသည်။
DOCA(စစ်ကိုင်း)