၂၀၂၆ ခုနှစ်၊ ဇူလိုင်လ ၂ ရက်နေ့၊နေ့လယ် (၁၂း၃၀) နာရီခွဲအချိန်တွင်၊ မြိတ်ခရိုင်ဆန်ကုန်သည်နှင့် ဆန်လုပ်ငန်းရှင်များအသင်းမှ မြိတ်မြို့ရှိ စားသုံးသူပြည်သူများ ဆန်ပြတ်လတ်မှုများမရှိစေရေး၊ ဆန်စျေးနှုန်းများကြီးမြင့်မှုမရှိစေရေးနှင့် စျေးနှုန်းများတည်ငြိမ်စေရေးအတွက် ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်နှင့် မော်လမြိုင်ကျွန်းမြို့နယ်တို့မှဝယ်ယူ၍ မြိတ်မြို့၊ ကျွဲကူးရပ်၊ OK ဆိပ်ခံတံတားနှင့် မြိတ်မြို့၊ ဆိပ်ငယ်ရေလယ်သို့ ဆိုက်ကပ်ရောက်ရှိလာသော MV Aung Tat Toe ရေယာဥ်ဖြင့် ဆန်တန်ချိန် (၅၀၀)၊ အိတ်ရေ(၁၀၀၀၀)၊ MV Soe Winner ရေယာဥ်ဖြင့် ဆန်တန်ချိန် (၄၅၀)၊ အိတ်ရေ(၉၀၀၀) စုစုပေါင်း ရေယာဥ်နှစ်စင်းမှ ဆန်တန်ချိန်(၉၅၀)၊ အိတ်ရေ(၁၉၀၀၀)အား စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှဝန်ထမ်းများသည် သက်ဆိုင်ရာ မိတ်ဖက်ဌာနဆိုင်ရာများဖြစ်ကြသော မြန်မာနိုင်ငံရဲတပ်ဖွဲ့၊ ကုန်သွယ်ရေးဦးစီးဌာန၊ အကောက်ခွန်ဦးစီးဌာန၊ လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနတို့မှ တာဝန်ရှိသူများဖြင့်ပူးပေါင်း၍ ဆန်အမျိုးအစားများ မှန်ကန်စွာပါရှိမှုများ ရှိ/မရှိနှင့် တရားမဝင်ကုန်စည်များပါရှိမှု ရှိ/မရှိ စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။
DOCA(တနင်္သာရီ)