စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်ချက်အရ (၂၆.၆၂၀၂၆)ရက်နေ့၊ နေ့လယ် (၁၄:၀၀) နာရီအချိန်တွင် မကွေးမြို့၊ မီးသတ်ဦးစီးဌာန၌ စားသုံးသူကာကွယ်ရေးဆိုင်ရာ အသိပညာပေးဟောပြောပွဲအား ကျင်းပခဲ့ကြောင်း သိရသည်။
အဆိုပါ ဟောပြောပွဲတွင် စားသုံးသူရေးရာဦးစီးဌာန၊ လက်ထောက်ညွှန်ကြားရေးမှူးက စားသုံးသူရေးရာဦးစီးဌာန၏ သမိုင်းကြောင်းနှင့် လုပ်ငန်းတာဝန်များအကြောင်းအားလည်းကောင်း၊ စားသုံးသူရေးရာဌာနခွဲတာဝန်ခံမှ စားသုံးသူများရရှိမည့် အခွင့်အရေးများနှင့် ထိုအခွင့်အရေးများ ချိုးဖောက်ခံရပါက နစ်နာဆုံးရှုံးမှုများကို မည်ကဲ့သို့ကုစားမလဲနှင့် အွန်လိုင်းမျှတစ်ဆင့် ဈေးဝယ်ယူခြင်းနှင့် စပ်လျဉ်း၍ သိကောင်းစရာများအား အသိပညာပေးခြင်းများ ဆောင်ရွက်ခဲ့ကြောင်း သိရသည်။
ဟောပြောပွဲသို့ အရာထမ်း၊ အမှုထမ်းများ စုစုပေါင်း (၇၀) ဦးတက်ရောက်ခဲ့ကြပြီး တက်ရောက်လာသူများအား အသိပညာပေး လက်ကမ်းစာစောင်များဝေငှခြင်း၊ သိလိုသည်များ မေးမြန်းလာမှုများအပေါ် ပြန်လည်ဆွေးနွေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။
DOCA(မကွေး)