ဧရာဝတီတိုင်းဒေသကြီး၊ ညောင်တုန်းမြို့နယ် နတ်ပေးကျေးရွာ အ.ထ.က (နတ်ပေး) ကျောင်းတွင် မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စာပေအဖွဲ့၊ မြို့နယ်ရဲတပ်ဖွဲ့တို့ ပူပေါင်း၍ ကျောင်းသားကျောင်းသူ (၅၂၀)ဦးအား ၂၀၂၆ခုနှစ် ဇူလိုင်လ ၇ရက်နေ့ နံနက်(၀၉:၀၀) နာရီအချိန်တွင် လူငယ်ရေးရာအသိပညာ ဟောပြောပွဲဆောင်ရွက်ခဲ့ကြောင်း သိရသည်။
အသိပညာပေးဟောပြောရာတွင် မြို့နယ်စားသုံးသူရေးရာဦးစီးဌာနမှ ဒေါ်ချိုမီဇင်က စားသုံးသူကာကွယ်ရေးလုပ်ငန်းနှင့် စပ်လျဉ်း၍ အသိပညာပေးဟောပြောခဲ့ရာ စားသုံသူကာကွယ်ရေး ဥပဒေများအကြောင်း၊ စားသုံးသူများ နစ်နာဆုံးရှုံးမှုများရှိခဲ့ရင် အချက်အလက်များဖြင့် တိုင်ကြားနိုင်သည့် နည်းလမ်းများအကြောင်းကို ရှင်းလင်းခြင်း၊ စားသုံးသူများ၏ အခွင့်အရေးဆိုင်ရာများ၊ ကုန်ပစ္စည်းနှင့်ဝန်ဆောင်မှုများ၊ အစားအသောက်များ ဝယ်ယူခြင်းမပြုမီ သတိပြုစစ်ဆေးရမည့်အချက်များ၊ ကုန်ပစ္စည်းထုတ်လုပ်သူများအနေဖြင့် ကုန်ပစ္စည်းထုတ်လုပ်ရာတွင် ပါဝင်ရမည့် ရည်ညွှန်းအမှတ်တံဆိပ်များနှင့် အချက်အလက်များ၊ စားသုံးသူများ၏ အငြင်းပွားမှုနှင့် အရေးယူပိုင်ခွင့်အခွင့်အရေးများ အစရှိသည်တို့ အကျယ်တဝင် ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၏ Website တွင် ဝင်ရောက်ကြည်ရှုနိုင်မှုများကို အသိပညာပေး ဟောပြောခဲ့ကြောင်း သိရပါသည်။ ဆက်လက်၍ ကျန်ဦးစီးဌာနများမှ လူငယ်အသိပညာပေးဟောပြောခြင်းများ ဆောင်ရွက်ခဲ့ကြောင်း သိရှိရပါသည်။
DOCA(ဧရာဝတီ)