ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်တွင် ကြံအများဆုံးစိုက်ပျိုးပြီး ထွက်ရှိလာသည့် ကြံများကို အင်ငါးခွသကြားစက်နှင့် (နဝဒေး) မြရွာသကြားစက်တို့မှ ဝယ်ယူကြောင်း သိရှိရပါသည်။ သကြားဈေးတက်သည့် အချိန်ဖြစ်သည့်အတွက် ကြံစိုက်တောင်သူများ ကြံပေါ်ချိန်တွင် တက်ဈေးမျှော်နေကြကြောင်း သိရှိရပါသည်။ ယခင်နှစ်က ကြံတစ်တန်ကို ၅၄၀၀၀ ကျပ် ဈေးရှိပြီး၊ ယခုနှစ်တွင် ကြံတစ်တန်ကို ၇၅၀၀၀ကျပ်ဈေးဖြင့် ယခုနှစ်တွင် ကြံဈေးများ မြင့်တက်လာခဲ့ပါသည်။ သကြားဈေးနှုန်းအနေဖြင့် ပြည်ဈေးကွက်တွင် အောက်တိုဘာလမှစ၍ သကြားတစ်ပိဿာလျှင် ၂၂၀၀ကျပ် ၊ နိုဝင်ဘာလတွင် သကြားတစ်ပိဿာလျှင် ၂၃၀၀ကျပ်ထိ မြင့်တက်လာပြီး၊ ယခုဒီဇင်ဘာလဒုတိယပတ်တွင် သကြားတစ်ပိဿာလျှင် ၂၈၀၀ကျပ်ဈေးထိ ဈေးမြင့်တက်လာခဲ့ကြောင်း သိရှိရပါသည်။
DOCA(ပဲခူး)