၂၀၂၆ ခုနှစ်၊ ဇူလိုင်လ ၂၁ ရက်နေ့၊ နံနက် (၁၀း၀၀)နာရီအချိန်တွင် စားသုံးသူရေးရာဦးစီးဌာန၊ ရုံးချုပ်၊ နေပြည်တော်မှ ကျင်းပပြုလုပ်သော စစ်ဆေးရေးအရာရှိများ လုပ်ငန်းကျွမ်းကျင်မှုဆိုင်ရာ သင်တန်း (၂/၂၀၂၆)အား တနင်္သာရီတိုင်းဒေသကြီးဦးစီးမှူးရုံးရှိ စစ်ဆေးရေးအရာရှိများမှ Virtual စနစ်ဖြင့် တက်ရောက်ခဲ့ပါသည်။
အဆိုပါသင်တန်းတွင် စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ်မှ အဖွင့်အမှာစကားပြောကြားခြင်း၊ မှတ်တမ်းတင်ဓါတ်ပုံများရိုက်ကူးခြင်း၊ ရုံးချုပ်၊ ထုတ်ကုန်လုံခြုံစိတ်ချရမှုဌာနခွဲနှင့် စားသုံးသူရေးရာဌာနခွဲရှိ တာဝန်ရှိသူများမှ မိမိတို့ပို့ချမည့်သင်ခန်းစာများအလိုက် ရှင်းလင်းသင်ကြားပို့ချခြင်းများ ဆောင်ရွက်ခဲ့ကြပြီး တက်ရောက်ကြသည့် တိုင်းဒေသကြီး/ ပြည်နယ်များရှိ အရာထမ်း၊ အမှုထမ်းများမှ မိမိတို့သိရှိလိုသည့် သင်ခန်းစာများ၊ အကြောင်းအရာများအလိုက် ရှင်းလင်းမေးမြန်းခြင်းများ ဆောင်ရွက်ခဲ့ကြပြီး အဆိုပါသင်တန်းအား (၃)ရက်ကြာ ဖွင့်လှစ်သွားမည်ဖြစ်ကြောင်း သိရှိရပါသည်။
DOCA(တနင်္သာရီ)