ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့ရှိ မြို့နယ်မီးသတ်ဦးစီးဌာနရုံး၌ ၂၀၂၆ ခုနှစ်၊ ဇူလိုင်လ ၁၇ ရက်နေ့၊နံနက်(၁၀:၃၀)နာရီအချိန်တွင် စားသုံးသူကာကွယ်ရေးဆိုင်ရာ အသိပညာပေး ဟောပြောပွဲကိုကျင်းပပြုလုပ်ခဲ့ကြောင်း သိရသည်။
အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာ၀န်ခံက စားသုံးသူ၏ အခြေခံအခွင့်အရေးများ၊ လုံခြုံစိတ်ချရသော ကုန်ပစ္စည်းများကို ရွေးချယ်ဝယ်ယူသုံးစွဲနိုင်ရေး၊ ကုန်အညွှန်းအမှတ်အသားများကို စိစစ်ဖတ်ရှုသည့်နည်းလမ်းများ၊ စားသုံးသူကာကွယ်ရေးဥပဒေနှင့် သက်ဆိုင်သော အချက်အလက်များကိုရှင်းလင်းဟောပြောခဲ့သည်။ ထို့အပြင် စားသုံးသူများအနေဖြင့် နစ်နာဆုံးရှုံးမှုများ ကြုံတွေ့ရပါက တိုင်ကြားနိုင်သည့် နည်းလမ်းများနှင့် စားသုံးသူရေးရာဦးစီးဌာန၏ ဆောင်ရွက်ပေးနေသည့် ဝန်ဆောင်မှုများကိုလည်း မိတ်ဆက်ရှင်းလင်းခဲ့ပြီး တက်ရောက်လာသည့် မီးသတ်တပ်ဖွဲ့ဝင် (၁၅) ဦးက စိတ်ဝင်တစား နားထောင်ဆွေးနွေးခဲ့ကြကြောင်း သိရှိရပါသည်။
DOCA (ဧရာဝတီ)