ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပန်းတနော်မြို့နယ်အထွေထွေ အုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးနှင့် ပူးပေါင်းအဖွဲ့တို့သည် ပန်းတနော်မြို့နယ်ပြည်သူများ ဘေးအန္တရာယ်ကင်းသော ကုန်စည်များကို အသုံးပြုနိုင်ရေးအတွက် ပန်းနှံသာဈေး၊ အင်းမဈေး၊ မြို့မဈေးနှင့် အခြားလက်လီ/လက်ကား ဆီအရောင်းဆိုင်တို့တွင် ရောင်းချလျက်ရှိသည့် စားသုံးဆီ အမျိုးမျိုးတို့တွင် FDA ဌာန၏ ထောက်ခံချက်မပါဝင်သော ကုန်စည်များရောင်းချခြင်း ရှိ/ မရှိနှင့် ကုန်ညွှန်းအမှတ်အသားပြည့်စုံစွာပါဝင်မှု ရှိ/ မရှိကို (၂၁.၇.၂၀၂၆)ရက် နံနက်ပိုင်းတွင် ကွင်းဆင်းစစ်ဆေးခဲ့ကြောင်း သိရသည်။
ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ပန်းတနော်မြို့နယ်တာဝန်ခံ ဦးအောင်ကျော်သက်က ဆီအရောင်းဆိုင်ရှင်များကို စစ်ဆေးပြောကြားရာတွင် စားအုန်းဆီများ မြို့နယ်အတွင်းဈေးကွက် အသီးသီးသို့ ဖြန့်ဖြူးသောအခါ ကျန်းမာရေးနှင့် ညီညွတ်ပြီး စနစ်တကျရှိစေရန်၊ ရောက်းချနေသော ဘူးဆီအမျိုးမျိုးတို့တွင် အစားအသောက်နှင့် ဆေးဝါးကွပ်ကဲရေးဦးစီးဌာန(FDA) အသိအမှတ်ပြု ထောက်ခံချက်များ ရှိ/ မရှိနှင့် စားသုံးသူရေးရာ ဦးစီးဌာန၏ ထုတ်ပြန်ထားသော ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ပါဝင်မှု ရှိ/ မရှိကိုစစ်ဆေးခဲ့ရာ ပန်းတနော်ဈေးကွက်အတွင်းရှိ အမှတ်တံဆိပ်ပါ ဆီဗူးများသည် သက်ဆိုင်ရာဌာန၏ ထောက်ခံချက်များ၊ ကုန်အညွှန်းများ ပါဝင်သောဆီဗူးများကိုသာ ရောင်းချနေကြောင်းကို စစ်ဆေးတွေ့ရှိခဲ့ကြောင်း သတင်းရရှိပါသည်။
DOCA(ဧရာဝတီ)