“ သန်လျင်မြို့နယ် City Mart နှင့် Aeon Orange ဆိုင်များတွင် ရောင်းချနေသာ အေးခဲအစားအစာအမျိုးမျိုး၌ ကုန်အညွှန်းအမှတ်အသားပြည့်စုံမှု ရှိ/မရှိ ကွင်းဆင်းစစ်ဆေးခြင်း ”

        စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်အတွင်းရှိ စားသုံးသူပြည်သူများ ဘေးအန္တရာယ်ကင်းရှင်းစွာ ဝယ်ယူစားသုံးနိုင်ရန်ရည်ရွယ်၍ City Mart နှင့် Aeon Orange ဆိုင်များတွင် ရောင်းချနေသော အေးခဲအစားအစာအမျိုးမျိုးတို့တွင် ကုန်အညွှန်းအမှတ်အသားပြည့်စုံမှု ရှိ/ မရှိကို ဩဂုတ်လ(၁၁)ရက်နေ့၊ နေ့လယ်(၁၁:၃၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

       ထိုသို့ ကွင်းဆင်းစစ်ဆေးခဲ့ရာတွင် City Mart နှင့် Aeon Orange ဆိုင်မှ ဆိုင်မန်နေဂျာများနှင့် တွေ့ဆုံ၍ အေးခဲအစားအစာအမျိုးမျိုးတို့တွင် မြန်မာဘာသာဖြင့် မဖြစ်မနေဖော်ပြရမည့် အချက်များဖြစ်သော အမျိုးအမည်၊ အသားတင်ပမာဏ၊ ထားသိုသိမ်းဆည်းမှု၊ ကြိုတင်သတိပေး ချက်နှင့် သုံးစွဲပုံနည်းလမ်းတို့အား မြန်မာဘာသာဖြင့်ဖော်ပြမှုရှိ/ မရှိ ကွင်းဆင်းစစ်ဆေးခဲ့ပြီး ကုန်အညွှန်းအမှတ်အသား ပြည့်စုံစွာဖော်ပြမှုမရှိသည့် အမျိုးအစားအလိုက် လိုအပ်သည့်အချက်များကို မြန်မာဘာသာဖြင့်ပြန်ထည့်ဖော်ပြပေးရန် နောက်နောင်များတွင်လည်း ကုန်အညွှန်း အမှတ်အသား ပြည့်စုံစွာဖော်ပြထားသည့် ကုန်ပစ္စည်းများကိုသာ ဦးစားပေးလက်ခံဖြန့်ဖြူး ရောင်းချပေးကြရန် ဆိုင်မန်နေဂျာများနှင့်တွေ့ဆုံမှာကြားခဲ့ပြီး City Mart နှင့် Aeon Orange ဆိုင်များတွင် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ုကုန်)