ကြံခင်းမြို့၌ ကျေးရွာနေပြည်သူများလက်ဝယ်သို့ စားအုန်းဆီများ မှန်ကန်စွာ‌ရောက်ရှိစေရေး ကွင်းဆင်းစစ်ဆေး

         ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ်၊ ကွေ့မအုပ်စု၊ ချောင်းခွကျေးရွာတွင် ဩဂုတ်လ(၆)ရက်နေ့ နံနက်ပိုင်းက ကျေးရွာနေပြည်သူများလက်ဝယ်သို့ စားအုန်းဆီများ မှန်ကန်စွာရောက်ရှိရေးအတွက် ဒေါ်ဝင်းဝင်းမော်ကျေးရွာလက်လီအရောင်းဆိုင်၌ ဆီဝယ်ယူခွင့်စာအုပ်ဖြင့် စနစ်တကျရောင်းချပေးနေမှုများအား တာဝန်ရှိသူများပူးပေါင်း၍ ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရသည်။

          ထို့သို့ရောင်းချနေမှုများအား မြို့နယ်စာသုံးသူရေးရာဦးစီးဌာနမှ မြို့နယ်တာဝန်ခံ ဦးကျော်နိုင်ဝင်း၊ ဧရာဝတီတိုင်းဒေသကြီးဆီကုန်သည်နှင့် ဆီလုပ်ငန်းရှင်များအသင်း ဗဟိုအလုပ်အမှုဆောင် ဦးကျော်ဝင်းမော်၊ မြို့နယ်စည်ပင်သာယာရေးအဖွဲ့မှ ဒုတိယဦးစီးမှူး ဒေါ်ခင်သန္တာထိုက်၊ မြို့နယ်အထွေထွေထွေအုပ်ချုပ်ရေးဦးစီးဌာနမှ ချောင်းခွတာဝန်ခံစာရေးတို့က ကွေးမအုပ်စုရှိ အိမ်ထောင်စု ၅၀၇ စုအား စားအုန်းဆီသတ်မှတ်ရည်ညွှန်းဈေး တစ်ပိဿာလျှင် ၈၂၂၉/- ကျပ်ဖြင့် အိမ်ထောင်စု တစ်စုလျှင် ၅၀ ကျပ်သားနှုန်း ရောင်းချပေးနေမှု၊ စားအုန်းဆီထုတ်ယူခွင့်စာအုပ်ဖြင့် ထုတ်ယူရာတွင်  သတ်မှတ်အလေးချိန်၊ သတ်မှတ်ဈေးနှုန်းဖြင့် ကျေးရွာနေပြည်သူများ လက်ဝယ်အရောက် ရောင်းချနေမှုအား ကြည့်ရှုစစ်ဆေးဆောင်ရွက်ခဲ့ကြကြောင်း သိရှိရပါသည်။

DOCA (ဧရာဝတီ)