မကွေးတိုင်းဒေသကြီး၊ မကွေးခရိုင်၊ မကွေးမြို့ပေါ်ရှိဈေးများတွင် ရာသီပေါ်ဒညင်းသီးများ ဈေးကွက်အတွင်းသို့ဝင်ရောက်လာပြီး ဒညင်းသီးများကို အလုံးရေဖြင့် အရောင်းအဝယ်ပြုလုပ်လျက်ရှိရာ စားသုံးသူများအကြား ဝယ်ယူမှုများပြားနေကြောင်း ဒညင်းသီးရောင်းချသူများထံမှ သိရသည်။ ဒညင်းသီးများကို ဒေသခံစားသုံးသူများက ရာသီပေါ်စားသောက်ကုန်တစ်မျိုးအဖြစ် ဝယ်ယူစားသုံးကြပြီးပြုတ်၍ စားသုံးခြင်း၊ ငရုတ်သီးနှင့် တို့စားခြင်း၊ ငပိရည်နှင့် တွဲဖက်စားသုံးခြင်း၊ ခရမ်းချဉ်သီးနှင့် ရော၍ ဟင်းချက်ခြင်းများပြုလုပ်၍ စားသုံးနိုင်သည်။ ဒညင်းသီးကို ဆားရည်စိမ်၍ နောက်ပိုင်းတွင် ပြန်လည်စားသုံးရန်အတွက်လည်း ဝယ်ယူသူများရှိကြောင်း သိရသည်။
ဒညင်းသီးများကို ဈေးများနှင့် ရပ်ကွက်ဈေးဆိုင်များတွင် ရောင်းချလျက်ရှိကြပြီး အလုံးအရွယ်အစား၊ အရည်အသွေးနှင့် လတ်ဆတ်မှုပေါ်မူတည်၍ ဈေးနှုန်းများကွာခြားလျက်ရှိကြောင်း သိရသည်။ ဒညင်းသီးများကို အလုံးရေဖြင့် အရောင်းအဝယ်ပြုလုပ်မှုများပြားပြီး (၁၀)လုံး၊ (၂၀)လုံး၊ (၃၀)လုံး၊ (၅၀)လုံး စသည့်အရေအတွက်များဖြင့် ရောင်းချနေကြောင်း ဈေးသည်များထံမှ သိရသည်။ အလုံးအရွယ်အစားကြီးပြီး လတ်ဆတ်သည့် ဒညင်းသီးများမှာ ဈေးနှုန်းပိုမိုများပြားပြီး သေးသည့်ဒညင်းသီးများမှာ ဈေးနှုန်းသက်သာကြောင်း သိရသည်။ ၂၀၂၆ခုနှစ်၊ ဩဂုတ်လ(ဒုတိယပတ်) တွင် ဒညင်းသီးအရည်အသွေးနှင့် အရွယ်အစားအလိုက် ဒညင်းသီးအသေး (၁၀)လုံးလျှင် (၁၅၀၀)ကျပ်၊ ဒညင်းသီးအလတ် (၁၀)လုံးလျှင် (၂၀၀၀) ကျပ်နှင့် ဒညင်းသီးအကြီး (၁၀)လုံးလျှင် (၄၀၀၀)ကျပ်ဖြင့် ရောင်းချနေပြီး ဈေးနှုန်းသက်သာသဖြင့် ပုံမှန်စားသုံးသူများအကြား ဝယ်ယူမှုရှိကြောင်း ဈေးသည်များထံမှ သိရှိရပါသည်။
DOCA(မကွေး)