စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံနှင့် ဝန်ထမ်းများသည် (၁၈.၈.၂၀၂၆) ရက်နေ့၊ နံနက် (၀၉:၃၀) နာရီအချိန်တွင် အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ၊ စည်ပင်သာယာရေးအဖွဲ့၊ ကျန်းမာရေးဦးစီးဌာနတို့ဖြင့် ပူးပေါင်း၍ မကွေးမြို့၊ မြို့မဈေး၌ ရောင်းချလျက်ရှိသော ပုဇွန်(အနီ)၊ ငပိ၊ ရောင်စုံငါးမုန့်၊ ဝါးဥကြာဇံ၊ ဂျုံခေါက်ဆွဲ၊ ကြက်ဥ ခေါက်ဆွဲ၊ မျှစ်(အနီ)၊ ငါးမဲလုံး၊ အရောင်တင်မှုန့်၊ ငရုတ်သီးမှုန့်၊ ရောင်စုံအချိုရည်၊ လ္ဘက်၊ ဂျင်းပေါက် တို့အား နမူနာဝယ်ယူ၍ အစားအစာများတွင် သုံးစွဲရန်မသင့်သော ချွတ်ဆေးများ၊ တာရှည်ခံဆေးများ သုံးစွဲထားခြင်းရှိ/ မရှိကို Mobile Lab Van ဖြင့် ချက်ချင်းစစ်ဆေးခဲ့ရာ ခွင့်မပြု တာရှည်ခံဆေးနှင့် ချွတ်ဆေးများသုံးစွဲထားခြင်းမရှိကြောင်း စစ်ဆေးတွေ့ ရှိရပါသည်။
ဆက်လက်၍ စားသုံးသူပြည်များ ဘေးအန္တရာယ်ကင်းရှင်းစေရန်အတွက် ဈေးကွက်အတွင်း ရောင်းချနေသော အမှတ်တံဆိပ်ပါ ဗူးသွပ်ဆီများတွင် FDA ထောက်ခံချက်ပါရှိသည့်အပြင် ကုန်အညွှန်းအမှတ်အသား ပြည့်စုံစွာဖော်ပြထားကြောင်းနှင့် မြန်မာနိုင်ငံစားသုံးသူကာကွယ်ရေး ကော်မရှင်မှ ထုတ်ပြန်ထားသော ညွှန်ကြားချက်အမှတ်(၂/၂၀၁၉)နှင့်အညီ မြန်မာဘာသာဖြင့် ပြည့်စုံစွာဖော်ပြထားသော ကုန်စည်များကို ရောင်းချခြင်းရှိ/ မရှိ ဈေးကွက်စောင့်ကြည့်စစ်ဆေးခဲ့ပြီး စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များနှင့် တားမြစ်ချက်များစသည်တို့ကို အသိပညာပေးဟောပြောခြင်းများ ဆောင်ရွက်ခဲ့ကြောင်း သိရှိရပါသည်။
DOCA(မကွေး)