ပဲခူးတိုင်းဒေသကြီး ၊ သာယာဝတီခရိုင်တွင် ဆောင်းသီးနှံဖြစ်သော မတ်ပဲကိုလျာထားဧက ၄၇၇၅၀၉ ဧက ၊ ပဲတီစိမ်းလျာထားဧက ၃၆၂၄၂ ဧက ၊ ပဲလွမ်း လျာထားဧက ၁၅၃၉၆ ဧက ၊ ဘိုကိတ်လျာထားဧက ၄၈၈၉ ဧက ၊ ပဲပုတ်လျာထားဧက ၁၇၄၉၇ ဧက ၊ ပဲကြီးလျာထားဧက ၃၈၁၈ ဧက ၊ ပဲယဉ်း ၁၈၅၆ ဧက ၊ စားတော်ပဲ ၊ စွန်တာနီ ၊ ပဲနောက် ၊ ထောပတ်ပဲ ၊ ပဲဖြူကလေး ၊ အခြားပဲမျိုးစုံများကိုလည်း အနည်းငယ်စီလျာထား စိုက်ပျိုးထားလျက်ရှိကြောင်း သိရှိရပါသည်။ ယခုနှစ် နိုဝင်ဘာလကုန် ဒီဇင်ဘာလဆန်းတွင် စိုက်ပျိုးပြီးစီးမှုအနေဖြင့် မတ်ပဲစိုက်ဧက ၂၉၄၇၄၉ ၊ ပဲတီစိမ်း စိုက်ဧက ၄၁၁၄၂ ၊ ပဲလွမ်းစိုက်ဧက ၄၃၂၄ ၊ ဘိုကိတ်စိုက်ဧက ၁၅၉၃ ၊ ပဲပုတ်စိုက်ဧက ၁၈၄၁၉ ၊ ကုလားပဲစိုက်ဧက ၈၀၈၃ ၊ ပဲကြီးစိုက်ဧက ၁၈၁၈ ၊ ပဲယဉ်းစိုက်ဧက ၃၃၂၇ ဧကများနှင့် အခြားပဲများကိုလည်း အသီးသီး စိုက်ပျိုးထားရှိပါကြောင်း ခရိုင်မြေစာရင်းဌာန စာရင်းများအရ သိရှိရပါသည် ။
သာယာဝတီခရိုင်တွင် အများဆုံးစိုက်ပျိုးသော သီးနှံမှာ မတ်ပဲသီးနှံဖြစ်ပါသည် ။ တောင်သူများ မတ်ပဲသီးနှံကို ရွေးချယ်စိုက်ပျိုးရခြင်းမှာ မတ်ပဲသည် သာယာဝတီခရိုင် မြေအမျိုးအစားနှင့် ကိုက်ညီခြင်း ၊ ရိတ်သိမ်းခူးစွတ်ရလွယ်ကူခြင်းတို့ကြောင့် စိုက်ပျိုးကြခြင်းဖြစ်ပါသည် ။ စိုက်ပျိုးသော မတ်ပဲမျိုးများမှာ ရေဆင်း (၂) ၊ ရေဆင်း (၃) ၊ ရေဆင်း (၅) ၊ အမျိုးအစားများကို စိုက်ပျိုးကြောင်း သိရှိရပါသည်။ ဒုတိယအများဆုံးစိုက်ပျိုးသော ပဲတီစိမ်းသီးနှံမျိုးများမှာ ရေဆင်း (၁) ၊ ရေဆင်း (၁၄) ၊ ဒေသမျိုး ( ဝါးခယ်မမျိုးအစရှိသော ဒေသအခေါ် ပဲမျိုးများ )ကို စိုက်ပျိုးကြကြောင်း စိုက်ပျိုးရေးဦးစီးဌာန၏ ကွင်းဆင်းဆောင်ရွက်မှုများအရ သိရှိရပါသည်။
DOCA(ပဲခူး)