တောင်ငူမြို့တွင် ဆောင်းရာသီတွင် ပေါ်လေ့ရှိသော ဆီးသီးမှာ အချိုအစိမ်းအဝိုင်းသီး တစ်ပြည်လျှင် ၁၀၀၀ ကျပ်မှ ၁၂၀၀ ကျပ်အထိ၊ အချိုဆီးတော်သီး တစ်ပြည်လျှင် ၁၅၀၀ ကျပ်မှ ၁၇၀၀ ကျပ်၊ တောဆီးသီး(ဆီးပဲလှော်) တစ်ပြည်လျှင် ၈၀၀ ကျပ်မှ ၉၀၀ ကျပ်အထိ ရှိပါသည်။
မုန်လာဥ ၅ လုံးပါအတွဲ တစ်တွဲလျှင် အသေး - ၂၀၀ ကျပ်၊ အလတ် - ၃၅၀ ကျပ်နှင့် အကြီး - ၅၀၀ ကျပ်အသီးသီးရှိပါသည်။ ပဲတောင့်ရှည်မှာ အတောင့် ၅၀ ပါ အစည်းတစ်စည်းလျှင် ၁၀၀၀ ကျပ် ဈေးရှိ ကြောင်း သိရှိရပါသည်။
ပန်းဂေါ်ဖီ(ဂေါ်ဖီပန်းပွင့်)မှာ ဒေသထွက်အသေး တစ်ပွင့်လျှင် ၂၅၀ ကျပ်၊ အလတ် တစ်ပွင့်လျှင် ၃၅၀ ကျပ်နှင့် အကြီး တစ်ပွင့်လျှင် ၅၀၀ ကျပ်အသီးသီးရှိကြောင်း တောင်ငူမြို့ ကုန်စိမ်းဈေးရှိ ဟင်းသီးဟင်းရွက်ရောင်းချသူများထံမှ သိရှိရပါသည်။
DOCA(ပဲခူး)