ကရင်ပြည်နယ်အတွင်းရှိ စီးပွားရေးနှင့်ကုန်စည်စီးဆင်းမှု အဓိကကျသောမြို့နယ်များ ဖြစ်သည့် ဘားအံ၊ ကော့ကရိတ်၊ မြဝတီ၊ လှိုင်းဘွဲ့နှင့်ကြာအင်းဆိပ်ကြီးမြို့နယ်များတွင် အခြေခံ စားသောက်ကုန်တစ်မျိုးဖြစ်သော ကြက်ဥ၊ ဘဲဥနှင့်ဆေးဘဲဥဈေးကွက်မှာ ဒေသတွင်း သယ်ယူပို့ ဆောင်ရေးစရိတ်ပေါ်မူတည်၍ အပြောင်းအလဲရှိနေပါသည်။ ဘားအံမြို့သည် ကရင်ပြည်နယ်၏ ဘားအံမြို့သည် မြို့တော် ဖြစ်သည်နှင့်အညီ ရန်ကုန်၊ ပဲခူး၊ တောင်ကြီးဘက်မှဝင်ရောက်လာသော ကြက်ဥများနှင့် ဒေသတွင်း မွေးမြူရေး ခြံထွက်ဥများကို အဓိကဖြန့်ချိရာ နေရာဖြစ်ပါသည်။ မြို့မဈေး၊ ရေပေါ်ဈေးနှင့် အခြားမြို့တွင်း ဈေးများမှာပါ အရောင်းအဝယ်သွက်ပြီး အခြားမြို့နယ်များသို့လည်း လက်ကားပြန်လည် ဖြန့်ဖြူးပေးနေသော မြို့တစ်မြို့ဖြစ်သည်။ ထိုင်းနိုင်ငံဘက်မှ တင်သွင်းလာသည့် ကုန်စည်များအပြင် ပြည်တွင်း အောက်ပြည်အောက်ရွာဘက်မှ တင်သွင်းလာသည့် ကြက်ဥ၊ ဘဲဥများ ကိုပါ လက်ခံရရှိသောဈေးကွက်ဖြစ်သည်။ နယ်စပ်ဒေသဖြစ်သဖြင့် ငွေကြေး လဲလှယ်နှုန်းနှင့် လမ်းပန်းဆက်သွယ်ရေး အခြေအနေအပေါ်မူတည်၍ ဈေးနှုန်း အတက်အကျမြန်ဆန်သည့် ဈေးကွက် ဖြစ်သည်။ ကော့ကရိတ်မြို့နှင့်ကြာအင်းဆိပ်ကြီးမြို့နယ်များသည် ဘားအံနှင့်မြဝတီဘက်မှ ကုန်စည် များကို မှီခိုအားထားရသော မြို့နယ်များဖြစ်သည်။ လှိုင်းဘွဲ့မြို့နယ်သည် ဒေသတွင်း စိုက်ပျိုးမွေးမြူ ရေး လုပ်ငန်းများကိုလုပ်ကိုင်ကြပြီး အနီးဆုံးမြို့တော် ဘားအံမှတစ်ဆင့် ကြက်ဥနှင့်ဘဲဥများကို အဓိကမှာယူ တင်သွင်းဖြန့်ချိလျက်ရှိ သည်။ ယခုကာလဒေသတွင်း ကြက်ဥ၊ ဘဲဥဈေးနှုန်းများ မှာ မွေးမြူရေးကြက်ဥ အလုံးကြီးတစ်လုံး လျှင်(၆၀၀)ကျပ်၊ အလုံးလတ်တစ်လုံးလျှင်(၅၅၀)ကျပ်၊ အလုံးသေးတစ်လုံးလျှင်(၅၀၀)ကျပ်၊ ဘဲဥ အလုံးကြီး တစ်လုံး လျှင် (၇၀၀)ကျပ်၊ အလုံးသေးတစ်လုံး လျှင် (၅၅၀)ကျပ်နှင့် ဆေးဘဲဥ တစ်လုံးလျှင် (၁၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ဒေသခံ ကြက်ဥ၊ ဘဲဥ အရောင်းဆိုင်များမှ သိရပါသည်။
DOCA(ကရင်)