ကယားပြည်နယ်တွင် စပါး၊ ပဲ၊ ပြောင်း၊ နှမ်းတို့အပြင် စားဖိုဆောင်သီးနှံဖြစ်သည့် ကြက် သွန်နီနှင့်ကြက်သွန်ဖြူတို့ကိုလည်းစိုက်ပျိုးကြပါသည်။ ၂၀၂၂ ခုနှစ်၊ ပြည်နယ်အတွင်းကြက်သွန် နီစိုက်ဧကမှာ(၁၀၈၉)ဧကခန့်နှင့် ကြက်သွန်ဖြူစိုက်ဧကမှာ (၉၃၈) ဧကခန့် စိုက်ပျိုးလျက်ရှိပါ ကြောင်းနှင့် ယခင်နှစ်နှင့်ကာလတူနှိုင်းယှဉ်ကြည့်လျှင် ကြက်သွန်နီစိုက်ဧက(၂၇၂)ဧက ခန့်ပိုမို စိုက်ပျိုးလာခြင်း၊ ကြက်သွန်ဖြူစိုက်ဧက(၁၅၅)ဧကခန့် လျော့နည်းစိုက်ပျိုးလျှက်ရှိပါကြောင်း သက်ဆိုင်ရာဌာန စာရင်းများအရသိရှိရပါသည်။
ဒီဇင်ဘာလစတုတ္ထပတ်အတွင်းဖြစ်ပေါ်နေသော ကြက်သွန်နီဈေးနှုန်းမှာ တစ်ပိဿာလျှင် (၄၀၀၀)ကျပ်ခန့်နှင့် ကြက်သွန်ဖြူ(ရှမ်း/စ)တစ်ပိဿာလျှင်(၄၅၀၀)ကျပ်တို့ဖြင့် အရောင်းအဝယ် ဖြစ်လျှက်ရှိပြီး ကြက်သွန်နီ၊ ကြက်သွန်ဖြူများကို မိတ္ထီလာ၊ ပင်လောင်းမြို့နယ်တို့ဘက်မှမှာယူ တင်သွင်းရောင်းချလျက်ရှိပါကြောင်း ကြက်သွန်နီ၊ ကြက်သွန်ဖြူ ရောင်းချသူများထံမှ သိရှိရပါသည်။
DOCA(ကယား)