ကလေးမြို့ပေါ်ရှိ တာဟန်းဈေးအတွင်းရောင်းချနေသည့် ငါးကြက်ကင်များသည် ချင်းတိုင်းရင်းသားများ ကြိုက်နှစ်သက်စွာ စားသုံးသည့် ဟင်းလျာတစ်မျိုးဖြစ်သည့်အတွက် ဈေးကွက်အတွင်း ဈေးကောင်းရရှိလျက်ရှိပါတယ်။
ကလေးမြို့ပေါ်ရှိ ချောင်းများမှရရှိသည့် ငါးများကိုဝယ်ယူ၍ သံဇကာပေါ်တင်ပြီး ခြောက်သွားသည်အထိ မီးမြိုက်ကာ ကြက်ကင်ရပါကြောင်း ငါးကြက်ကင်ရောင်းချသည့် ဒေါ်လျန်နူးထံမှ သိရှိရပါသည်။
ဈေးကွက်အတွင်းရောင်းချရာတွင် အလေးချိန်ခွင့်ဖြင့် ချိန်တွယ်ရောင်းချခြင်းမျိုး မဟုတ်ဘဲ လင်ဗန်းများနှင့်ထည့်ကာ ဗန်းပြတ်ရောင်းချကြပါသည်။ ငါးအမျိုးအစားများအပေါ် မူတည်၍ လင်ဗန်းတစ်ချပ်လျှင် အနိမ့်ဆုံးဈေး ( ၅၀၀၀ ) ကျပ်မှ အမြင့်ဆုံးဈေး ( ၆၀၀၀၀ ) ကျပ်အထိ ရောင်းချရပါသည်။
ဈေးကွက်အနေဖြင့် ဒေသတွင်းသာ ရောင်းဝယ်ဖောက်ကားမှုများပြီး၊ မိမိတို့ ချင်းလူမျိုးများ အများဆုံးနေထိုင်သည့် ချင်းပြည်နယ်သို့လည်း တင်ပို့ရောင်းချပါသည်။ နိုင်ငံရပ်ခြား အဝေးရောက်နေသည့် ဆွေမျိုးများသို့လည်း ပေးပို့ရောင်းချပေးလျက်ရှိပါသည်။
ငါးကြက်ကင်များကို ငါးကြက်ကင်အကောင်သေးများကို လှော်၍ ငရုတ်သီးဖြင့် ထောင်း၍ စားသုံးခြင်း၊ အကောင်ကြီးများကိုမူ ငါးကြက်ကင်များကို အသီးအရွက်များဖြင့် ရောပြုတ်၍ ပိုမိုစားသုံးကြပြီး၊ ဆီပြန်ဟင်းအဖြစ် ချက်ပြုတ်စားသုံးကြသည်ဟု ဈေးကွက်အတွင်းမှ သိရှိရပါသည်။
DOCA(စစ်ကိုင်း)