ရှမ်းပြည်နယ် (အရှေ့ပိုင်း)တွင် ဒေသထွက်ကုန်သီးနှံတစ်မျိုးဖြစ်သော အစေ့ထုတ်ပြောင်းကိုနှစ်စဉ် တောင်ကုန်း၊ တောင်စောင်းများ၌ အများဆုံးစိုက်ပျိုးလျက်ရှိပါသည်။ ၂၀၂၁ ခုနှစ်တွင် မိုးပြောင်း (၃၁၂၅၂)ဧကစိုက်ပျိုးခဲ့ပြီး ၂၀၂၂ခုနှစ်တွင် မိုးပြောင်းစိုက်ပျိုးမှုအနေဖြင့် (၃၁၄၁၀)ဧက စိုက်ပျိုးနိုင်ခဲ့ ပါသည်။ တစ်နှစ်ထက်တစ်နှစ် စိုက်ပျိုးဧကများ ပိုမိုတိုးချဲ့စိုက်ပျိုးလာကြပါသည်။ မိုးပြောင်းကို မေလ နှင့်ဇွန်လတွင် စိုက်ပျိုးပြီး အောက်တိုဘာနှင့်နိုဝင်ဘာလတို့တွင် ခူးဆွတ်၊ အခြောက်ခံပါသည်။ အဖူးကိုခြွေလှေ့၍ အစေ့ထုတ်ပြောင်းကို နိုဝင်ဘာလ ပထမအပတ်မှစတင်၍ အရောင်းအဝယ် ပြုလုပ်ပါသည်။
၂၀၂၂ ခုနှစ် နိုဝင်ဘာလတွင် အစေ့ထုတ်ပြောင်း(၅၀)kg တစ်အိတ်လျှင် (၂၇၀၀၀/-)ကျပ် ပေါက်ဈေးရှိခဲ့ပြီး ၂၀၂၂ခုနှစ် ဒီဇင်ဘာလတွင် အစေ့ထုတ်ပြောင်း (၅၀)kg တစ်အိတ်လျှင် (၃၂၀၀၀/-) ကျပ်အထိ ပေါက်ဈေးရှိခဲ့ပါသည်။ အစေ့ထုတ်ပြောင်းသည် ဒီဇင်ဘာလတွင် ပိုမိုခြောက်သွေ့ပြီး ဝယ်ယူသူစိတ်ကြိုက်အခြေအနေဖြစ်သည့်အတွက် မွေးမြူရေးလုပ်ငန်းများမှ ဝယ်ယူစုဆောင်းခြင်းနှင့် ပြည်ပပို့ကုန်အတွက် ဝယ်ယူခြင်းတို့ကြောင့် ဈေးပိုမိုရခြင်းဖြစ်ပါကြောင်း ရေးသားလိုက်ရပါသည်။
DOCA(ရှမ်း)