ကယားပြည်နယ်၊ စားသုံးသူရေးရာဦးစီးဌာနမှ ၂၀၂၃ ခုနှစ်၊ ဇန်နဝါရီလ (၁၂)ရက်နေ့၊ နေ့လည် (၁၄၀၀)နာရီအချိန်တွင် လွိုင်ကော်မြို့၊ နောင်ယား(က)ရပ်ကွက်ရှိ ရွှေကယားသောက်ရေသန့်စက်ရုံ တွင် ကယားပြည်နယ်သောက်ရေသန့်လုပ်ငန်းရှင်များအသင်း ဥက္ကဌနှင့်တွေ့ဆုံဆွေးနွေးခဲ့ပါသည်။
ထိုသို့ တွေ့ဆုံဆွေးနွေးရာတွင် ပြည်နယ်ဦးစီးမှူးမှ မြို့ပေါ်ရှိသောက်ရေသန့်စက်ရုံများဖွင့်လှစ် ထားရှိမှုအခြေအနေအားလည်းကောင်း၊ သောက်ရေသန့်လုပ်ငန်းရှင်အသင်းဝင်များ သက်ဝင်လှုပ်ရှား မှုအခြေအနေအားလည်းကောင်း၊ သောက်ရေသန့်ထုတ်လုပ်ရောင်းချမှု အခြေအနေအားလည်း ကောင်း၊ လုပ်သားအင်အားအခြေအနေအားလည်းကောင်း၊ အသင်းအဖွဲ့စည်းမျဉ်းပြန်လည်ဖွဲ့စည်းလို ခြင်း ရှိ/မရှိ စသည်တို့ကိုဆွေးနွေးမေးမြန်းခဲ့ပါသည်။
ဆက်လက်၍ ကယားပြည်နယ်သောက်ရေသန့်လုပ်ငန်းရှင်များအသင်း ဥက္ကဌ မှ လွိုင်ကော် မြို့ နယ်ရှိစုစုပေါင်း သောက်ရေသန့်စက်ရုံ(၁၁)ရုံအနက် လွိုင်ကော်မြို့ပေါ်ရှိ သောက်ရေသန့် စက်ရုံ(၈)ရုံ သာ ပုံမှန်ထုတ်လုပ်ရောင်းချလျှက်ရှိပြီး ဒီးမော့ဆိုမြို့ပေါ်ရှိ သောက်ရေသန့်စက်ရုံ(၃)ရုံမှ ထုတ်လုပ် ရောင်းချမှုမရှိဘဲ ယာယီပိတ်ထားလျက်ရှိပါကြောင်း၊ သောက်ရေသန့်လုပ်ငန်းရှင် များအသင်းအနေဖြင့် သက်ဝင်လှုပ်ရှားလျှက်ရှိပါကြောင်း၊ မိမိတို့သောက်ရေသန့် ထုတ်လုပ်မှုအနေ ဖြင့်(၁)နာရီလျှင် လီတာ(၁၀၀၀)ခန့်ထုတ်လုပ်လျက်ရှိပြီး တစ်နေ့လျှင်ပျမ်းမျှလီတာ(၈၀၀၀)ခန့် ထုတ်လုပ်လျက်ရှိပါ ကြောင်း၊ ရောင်းချမှုအနေဖြင့် တစ်နေ့လျှင် လီတာ(၆၀၀၀)ခန့်ရှိကြောင်း၊ ဈေးနှုန်းအနေဖြင့် ဗူးခွံအပါ (၂၀)လီတာ တစ်ဗူးလျှင်(၇၀၀၀)ကျပ်၊ ရေလှဲလျှင်(၆၀၀)ကျပ် ဖြင့်လည်းကောင်း လွိုင်ကော်မြို့ပေါ် တွင် ဖြန့်ဖြူးရောင်းချလျက်ရှိပါကြောင်း၊ လုပ်သားအနေဖြင့် မန်နေဂျာအပါအဝင် စုစုပေါင်း(၁၇)ဦး ရှိပါကြောင်း၊ မိမိတို့အသင်းအနေဖြင့် အသင်းအဖွဲ့စည်းမျဉ်း ပြန်လည်ဖွဲ့စည်းလိုခြင်း မရှိပါကြောင်း ပြန်လည်ဖြေကြားခဲ့ပြီး သောက်ရေသန့်လုပ်ငန်းရှင်ဘက်မှ သိရှိလိုသည်များအပြန်အလှန်ဆွေးနွေး ခဲ့ရာ တွေ့ဆုံဆွေးနွေးပွဲအား နေ့လည်(၁၅၃၀)နာရီအချိန်တွင် ရုပ်သိမ်းခဲ့ပါကြောင်းသိရှိရပါသည်။
DOCA(ကယား)