တောင်ငူခရိုင်၊ ဖြူးမြို့၊ အုတ်ဖြတ်လမ်းတွင် Healthy Family အမှတ်တံဆိပ် အဟာရဖြည့် ဗီတာမင်ကွတ်ကီးများ ထုတ်လုပ်လျက်ရှိပါသည်။ လုပ်ငန်းတွင် လိုအပ်သောကုန်ကြမ်းပစ္စည်းများမှာ ဟင်းသီးဟင်းရွက်များဖြစ်သော ဟင်းနုနွယ်၊ ဖရုံသီး၊ ကန်ဇွန်းဥ၊ မုန်လာဥနှင့် နိုကိုဥ ခေါ် သကြားမုန်လာတို့ဖြစ်ပါသည်။
ယင်းဗီတာမင်ကွတ်ကီးတွင် ဗိုက်တာမင်၊ အမျှင်ဓါတ် နှင့် သတ္တုဓါတ်တို့ပါဝင်ပြီး အသက် (၁)နှစ် အထက်ကလေးများမှ စတင်စားသုံးနိုင်ကြောင်း သိရှိရပါသည်။ သက်ကြီးရွယ်အိုများ အနေဖြင့်လည်း အဟာရဖြည့်စွက်စာအဖြစ် စားသုံးနိုင်ပါသည်။ လုပ်သားအင်အား (၆)ဦးဖြင့် တပိုင်တနိုင် ထုတ်လုပ်ဖြန့်ဖြူးခြင်းဖြစ်ပြီး လုပ်သား (၁)ဦးလျှင် တစ်လ (၁၅၀၀၀၀) ကျပ်နှုန်း ပေးရကြောင်း သိရှိရပါသည်။
ဈေးနှုန်းအနေဖြင့် ဗီတာမင်ကွတ်ကီး ၁ဗူးလျှင် (၄၅၅၀) ကျပ်နှုန်း ရောင်းချရပါသည်။ ဈေးကွက်အနေဖြင့် ရန်ကုန်၊ မန္တလေး၊ မော်လမြိုင်၊ မကွေးနှင့် နေပြည်တော် တို့တွင် ကိုယ်စားလှယ် များဖြင့် ဖြန့်ချိပါသည်။ ထုတ်လုပ်မှု အနေဖြင့် (၁)လလျှင် (၁၂၀၀)ဘူးမှ (၁၅၀၀)ဘူး ခန့်ထုတ်လုပ် နိုင်ပါသည်။
၎င်းဗီတာမင်ကွတ်ကီးများသည် ကျန်းမာရေးနှင့်ညီညွတ်၍ သဘာဝကုန်ကြမ်းပစ္စည်း များကိုသာသုံးစွဲ၍ ထုတ်လုပ်ထားခြင်းဖြစ်ကြောင်း Healthy Family ဗီတာမင်ကွတ်ကီး ထုတ်လုပ်ဖြန့်ဖြူးသူ လုပ်ငန်းရှင် ပြောကြားချက်အရ သိရှိရပါသည်။
DOCA(ပဲခူး)