မိတ္ထီလာခရိုင်အတွင်း စားဖိုဆောင်သီးနှံတစ်မျိုးဖြစ်သည့် ငရုတ်ကို မိတ္ထီလာ၊ သာစည်၊ မလှိုင်၊ ဝမ်းတွင်းမြို့နယ်များတွင် စိုက်ပျိုးကြပြီး၊ စိုက်ပျိုးသော ငရုတ်အမျိုးအစားများမှာ မိုးထောင်၊ သာစည်ပွ၊ ကုလားအော်ငရုတ်များကို စိုက်ပျိုးကြပါသည်၊၊ ငရုတ်ကို မေလမှ သြဂုတ်လများအထိ စိုက်ပျိုး၍ စက်တင်ဘာလမှ ဇန်နဝါရီလအထိ ရိတ်သိမ်းခူးဆွတ်ကြပြီး ထွက်ရှိသော ငရုတ်သီး အစို/အခြောက်များကို ဒေသတွင်းစားသုံးမှုအပြင် ပြည်တွင်းစျေးကွက်အနေဖြင့် ရန်ကုန်၊ မော်လမြိုင်မြို့များသို့ အဓိကတင်ပို့ကြကြောင်း၊ လက်ရှိရောင်းဝယ်ဖောက်ကားရာတွင်လည်း ငွေလက်ငင်းဖြင့် ကြိုက်ရောင်း၊ ကြိုက်ဝယ်စနစ်ဖြင့် ရောင်းဝယ်လျက်ရှိကြောင်း၊ အရောက်ပို့စနစ်ဖြင့် ရောင်းချဖြင်းမရှိဘဲ မိတ္ထီလာအထိုင်စျေးဖြင့်သာ ရောင်းချကြကြောင်း၊ ယခုနှစ်တွင် ပြည်တွင်းစျေးကွက်သို့ ငရုတ်ခြောက်ပိဿာချိန် (၁၀) သိန်းခန့်၊ ငရုတ်အစိုအနေဖြင့် ပိဿာချိန် (၂) သိန်းခန့်တင်ပို့နိုင်ပြီး၊ ယခင်နှစ်တွင် ငရုတ်ခြောက်ပိဿာချိန် (၁၅)သိန်းနှင့် ငရုတ်(စို) ပိဿာချိန်(၃)သိန်းခန့်တင်ပို့နိုင်ခဲ့ကြောင်း၊ နှစ်စဉ် ပြည်ပစျေးကွက်ဖြစ်သည့် တရုတ်သို့ ငရုတ်သီးအခြောက်တင်ပို့လျက်ရှိပြီး၊ ထိုင်းသို့ ငရုတ်(စို)တင်ပို့လျက်ရှိကြောင်း၊ ယခင်နှစ်တွင် တရုတ်သို့ ငရုတ်သီး(ခြောက်)ပိဿာချိန် (၁) သိန်းမှ (၁၅) သိန်းကြားတင်ပို့နိုင်ခဲ့ကြောင်း၊ ထိုင်းသို့ ငရုတ်စိုပိဿာချိန် (၇) သိန်းတင်ပို့နိုင်ခဲ့သော်လည်း၊ ယခုနှစ်တွင် တရုတ်သို့ ငရုတ်(ခြောက်)ပိဿာချိန် (၁) သိန်တင်ပို့နိုင်ကြောင်း၊း ထိုင်းသို့ ငရုတ်(စို)ပိဿာချိန် (၃)သိန်းခန့်သာ တင်ပို့နိုင်ကြောင်း၊ လက်ရှိစျေးနှုန်းအနေဖြင့် ငရုတ်သီးခြောက် မိုးထောင်တစ်ပိဿာလျှင် (၁၁၅၀၀) ကျပ်၊ သာစည်ပွတစ်ပိဿာလျှင် (၁၂၀၀၀) ကျပ်၊ ကုလားအော်တစ်ပိဿာလျှင် (၁၂၀၀၀ )ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင်နှစ်နှင့်နှိုင်းယှဉ်လျှင် ပြည်ပသို့ ငရုတ်တင်ပို့နိုင်မှုမှာ လျော့နည်းကြောင်း ငရုတ်စိုက်ပျိုးထုတ်လုပ်ရောင်းချသည့် လုပ်ငန်းရှင်တစ်ဦးထံမှသိရှိရပါသည်။
DOCA(မန္တလေး)